বৰডুমচা, 19 জুনঃ অসম-অৰুণাচল সীমান্তৱৰ্তী বৰডুমচাত ক্ৰমাৎ বৃদ্ধি পাবলৈ ধৰিছে নিষিদ্ধ ড্ৰাগছৰ ৰমৰমীয়া ব্যৱসায় । ইপিনে অবৈধ ড্ৰাগছ ব্যৱসায়ীৰ সৈতে বৰডুমচা আৰক্ষীৰ সু-সম্পৰ্কৰ কথা বিভিন্ন সময়ত উত্থাপন হৈ থকা সময়তে মঙলবাৰে তেনে এক ঘটনা সংঘটিত হ'ল বৰডুমচা আৰক্ষী থানাৰ নিচেই কাষতে থকা দুৱাৰমৰা বনাঞ্চলত । দুজন ড্ৰাগছ ব্যৱসায়ীৰ লগত আৰক্ষীৰ গোপন লেন-দেন চলি থকাৰ সময়তেই মৰাণ ছাত্ৰ সন্থা, গোৰ্খা ছাত্ৰ সন্থা আৰু স্থানীয় ৰাইজে হাতে লুটে ধৰে ড্ৰাগছ ব্যৱসায়ী দুজনৰ লগতে ছয়জনকৈ আৰক্ষী বিষয়াক ৷ লগতে ৩০ হাজাৰ টকাৰ লগতে প্ৰায় ১০০ গ্ৰাম অবৈধ ড্ৰাগছো উদ্ধাৰ কৰিবলৈ সক্ষম হয় ।
বৰডুমচা আৰক্ষীৰ কাণ্ডক লৈ উত্তাল বৰডুমচা