শদিয়াত বিজেপিৰ মাজত বিসম্বাদ !

বিজেপিৰ জিলা কাৰ্যনিবাহক সভাত ৱাৰ্ড সদস্যৰ প্ৰদত্যাগ ৷ পঞ্চায়ত সভাপতিৰ বিৰুদ্ধে একনায়কত্ববাদৰ অভিযোগ ৱাৰ্ড সদস্যৰ ৷

শদিয়া,12ছেপ্তেম্বৰঃ বিজেপি দল তথা বিভিন্ন পৰ্যায়ত যে বৰ্তমান বিজেপি কৰ্মী সকল অসন্তুষ্ট সেইয়া স্পৰ্ষ্ট হ'ল শদিয়া সমষ্টিৰ তালাপ গাঁও পঞ্চায়তৰ এটা ঘটনাত ৷ গাঁও পঞ্চায়তখনৰ সভাপতি মানৱ সোনোৱালৰ বিৰুদ্ধে একনায়কত্ববাদৰ অভিযোগ তুলি এগৰাকী ৱাৰ্ড সদস্যই বিজেপি শদিয়া জিলাৰ কাৰ্যনিবাহকতে পত্নী,পুত্ৰ সহিতে অৱস্থান ধৰ্মঘট কৰি প্ৰতিবাদ সাব্যস্ত কৰে ৷ পঞ্চায়ত সভাপতি গৰাকীয়ে ভয়-ভাবুকিৰে বিজেপি ৱাৰ্ড সদস্য গৰাকীক অতিষ্ট কৰি অহাৰ অভিযোগ উত্থাপন কৰিছে ৷ ইপিনে শদিয়া সমষ্টিৰ বিধায়ক বলিন চেতিয়াৰ সন্মুখতে ৱাৰ্ড সদস্য গৰাকীক পঞ্চায়ত সভাপতি গৰাাকীয়ে ধমক দিয়া বুলিও তেওঁ জানিবলৈ দিয়ে ৷

উল্লেখযোগ্য যে,ছয় বছৰ দলৰ বাবে বহু কৰা পিছতো দলটোৰ এনে কৰ্ম,কাণ্ডক লৈ হতভম্ভ হৈ পৰিছে ৱাৰ্ড সদস্যগৰাকী ৷ ৱাৰ্ড সদস্য গৰাকীৰ লগতে পৰিয়ালৰ কিবা অঘটন হ'লে তালাপ পঞ্চায়তৰ সভাপতি মানৱ সোণোৱালেই দায়ী হ’ব বুলি সংবাদ মাধ্যমৰ আগত উল্লেখ কৰে ৱাৰ্ড সদস্য গৰাকীয়ে ৷

আনহাতে পঞ্চায়ত সভাপতি গৰাকীৰ পৰা বিষয়টো জানিব বিচৰাত তেখেত ষড়যন্তৰ বলি হোৱা বুলি অভিযোগ তুলি পঞ্চায়তখনৰ অৰ্ন্তগত অঞ্চল সমূহত কাম কেনে হৈছে সেইয়া এবাৰ অঞ্চলবাসীক সুধিবলৈ আহ্বান জনায় সভাপতিগৰাকীয়ে ৷ উল্লেখযোগ্য যে,তালাপ গাঁও পঞ্চায়তৰ সভাপতি মানৱ সোণোৱালৰ নেতৃত্বত পঞ্চায়তথনত বহু উন্নয়ন হৈছে বুলি স্থানীয় ৰাইজে মত প্ৰকাশ কৰিছে যদিও কিয় এগৰাকী ৱাৰ্ৰেড সদস্যই তেওঁৰ বিৰুদ্ধে অনাস্থা আনিছে সেইয়া এক ৰহস্যজনক বিষয় হৈ পৰা দেখিবলৈ পোৱা গৈছে ৷

লগতে পঢ়কঃ মায়ানগৰীত স্বপ্ৰতিভাৰে জিলিকিছে অসম কন্যা