উত্তপ্ত বাঘজানঃ শুক্লেশ্বৰ নেওঁগৰ মৃতদেহ চমজি নলয় ৰাইজে

উল্লেখযোগ্য যে, শুক্লেশ্বৰ নেওঁগৰ মৃত্যুৰ বাবে প্ৰশাসন আৰু অইল ইণ্ডিয়াক জগৰীয়া কৰি বাঘজান গাওঁ মিলনজ্যোতি সংঘই অইল ইণ্ডিয়া আৰু জিলা প্ৰশাসনৰ বিৰুদ্ধে বাঘজান আৰক্ষী থানাত এখন এজাহাৰ দাখিল কৰিছিল । কিন্তু এই ক্ষেত্ৰত কোনো পদক্ষেপ গ্ৰহণ কৰা পৰিলক্ষিত হোৱা নাই ৷

ডুমডুমা, 19 জুলাইঃক্ষোভৰ জুই ক্লান্ত হোৱা নাই বাঘজানবাসীৰ ৷ শুক্লেশ্বৰ নেওঁগৰ মৃতদেহ চমজি নলয় পৰিয়াল তথা স্থানীয় ৰাইজে ৷ দেওবাৰে অইল ইণ্ডিয়াৰ বাঘজান তৈলখাদ অগ্নিকাণ্ডত সৰ্বস্ব হেৰুৱাই বিষ পান কৰি আত্মহত্যা কৰা শুক্লেশ্বৰ নেওঁগৰ মৃতদেহ বাঘজানত আহি পোৱাৰ লগে-লগে উত্তপ্ত হৈ পৰে বাঘজানৰ পৰিস্থিতি । অইল ইণ্ডিয়া আৰু প্ৰসাশনৰ ভূলৰ বাবেই শুক্লেশ্বৰ নেওঁগে চৰম সিদ্ধান্ত ল'বলৈ বাধ্য হোৱা বুলি উল্লেখ কৰি মৃত শুক্লেশ্বৰ নেওঁগৰ পৰিয়ালবৰ্গক দুই কোটি টকা ক্ষতিপুৰণৰ দিয়াৰ দাবী কৰে লোকসকলে । অন্যথা,বাঘজানবাসীৰ লগতে পৰিয়ালৰ লোকে শুক্লেশ্বৰ নেওঁগৰ মৃতদেহ চমজি লোৱাৰ পৰা বিৰত থাকিব বুলি মন্তব্য কৰে ।

শুক্লেশ্বৰ নেওঁগ

লগতে পঢ়কঃবিপিএফৰ প্ৰথমগৰাকী প্ৰতিনিধি কৰ’ণা ভাইৰাছত আক্ৰান্ত

উল্লেখ্য যে, শনিবাৰে পুৱাই বাঘজান গাঁৱৰ শুক্লেশ্বৰ নেওঁগ নামৰ লোকজনে বিষপান কৰি আত্মহনন কৰিছিল । পৰৱৰ্তী সময়ত বিষ পান কৰা শুক্লেশ্বৰ নেওঁগে চিকিৎসাধীন অৱস্থাত ডিব্ৰুগড় অসম চিকিৎসা মহাবিদ্যালয়ত মৃত্যুক আঁকোৱালি লয় ।

উল্লেখযোগ্য যে, শুক্লেশ্বৰ নেওঁগৰ মৃত্যুৰ বাবে প্ৰশাসন আৰু অইল ইণ্ডিয়াক জগৰীয়া কৰি বাঘজান গাওঁ মিলনজ্যোতি সংঘই অইল ইণ্ডিয়া আৰু জিলা প্ৰশাসনৰ বিৰুদ্ধে বাঘজান আৰক্ষী থানাত এখন এজাহাৰ দাখিল কৰিছিল । কিন্তু এই ক্ষেত্ৰত কোনো পদক্ষেপ গ্ৰহণ কৰা পৰিলক্ষিত হোৱা নাই ৷

আনহাতে, বাঘজানবাসীৰ প্ৰতিবাদস্থলীত এগৰাকী আৰক্ষী হঠাতে অসুস্থ হৈ পৰাত আৰক্ষী জোৱানজনক ততাতৈয়াকৈ চিকিৎসালয়লৈ প্ৰেৰণ কৰা হয় ।