শদিয়া, 4 এপ্ৰিলঃ তিনিচুকীয়া জিলাৰ লক্ষিমপুৰ লোকসভা সমষ্টিৰ শদিয়া বিধানসভাৰ অন্তৰ্গত ডিৰাকৰ ন-চুমনি আৰু বান্দৰখাটি সংযোগী বাহঁৰ দলংখনে জীয়াতু ভোগাইছে কেইবাখনো গাৱঁৰ ৰাইজক ৷ ৰাইজৰ অভিযোগ অনুসৰি অগপ চৰকাৰৰ প্ৰাক্তন মন্ত্ৰী জগদীশ ভুঞা আৰু কংগ্ৰেছ চৰকাৰ তথা বৰ্তমানৰ বিজেপি বিধায়ক বলিন চেতীয়াৰ প্ৰতিশ্ৰুতি অসাৰ দলংখনকলৈ ৷
বিগত বিধানসভা নিৰ্বাচনৰ আগত বৰ্তমানৰ বিধায়ক বলিন চেতীয়াই নিৰ্বাচনত জয়ী হলেও দলংখন কাঠৰ নতুবা পকী বনোৱাৰ প্ৰতিশ্ৰুতি প্ৰদান কৰিছিল যদিও আজি পৰ্যন্ত ভগা বাঁহৰ দলং তেনেকৈয়ে ৰ'ল ৷ কেইবাখনো গাৱঁৰ যাতায়তৰ থল এই দল খন৷
বাৰিষা আহিলে নাৱেৰে অহা যোৱা কৰিব লগীয়া হোৱা ডিৰাক নদীৰ ওপৰত থকা ভগা বাঁহৰ দলঙখনেৰে পাৰ হ'ব নোৱাৰে গাড়ী নতুবা মটৰচাইকেল ৷ সেয়ে অনতিপলমে গাঁওবাসীৰ এই সমস্যাটো সমাধান নকৰিলে তীব্ৰ গণতান্ত্ৰীক আন্দোলন গঢ়ি তোলাৰ হুমকি প্ৰদান কৰিছে অঞ্চলবাসীয়ে ৷
