শদিয়া, ৬ জুনঃ চৰকাৰে ঘোষণা কৰা অসমৰ একমাত্ৰ নেমু গাৱঁত নাই কোনো ধৰণৰ চৰকাৰী সুবিধা ৷ চৰকাৰৰ সুদৃষ্টিৰ অভাৱত কৃষকে পানীৰ দৰত ব্যৱসায়ীক বিক্ৰী কৰিবলগীয়া হৈছে নেমু ৷
২০১৮ বৰ্ষৰ আগষ্টত কাকপথাৰৰ ডিৰাকৰ বৃহৎ পাঁচখন গাঁৱক সামৰি জিলা প্ৰশাসনে অঞ্চলটোক ঘোষণা কৰিছিল নেমু গাঁওৰূপে ৷ অসমৰ একমাত্ৰ নেমু গাঁৱৰ স্বীকৃতিত সকলোৱে আশা কৰিছিল চৰকাৰী সা-সুবিধাৰ যোগেদি নেমু ব্যৱসায়টো আগুৱাই নিয়াৰ লগতে স্বাৱলম্বী হ'ব বহু কৃষক ৷ কিন্তু ঘোষণা কৰা এটা বছৰ অতিক্ৰম কৰিলে যদিও চৰকাৰ তথা প্ৰশাসনৰ পৰা সা-সুবিধাৰ নামত একোৱে নাপালে কৃষকসকলে ৷ নেমু গাঁওৰূপে ঘোষণা কৰা জিলা প্ৰশাসনে মাত্ৰ এখন নাম ফলক লগাই দায়িত্ব সামৰাৰ অভিযোগ কৰিছে ৰাইজে ৷
চৰকাৰে ঘোষণা কৰা "নেমু গাৱঁ"ত নাই কোনো ধৰণৰ চৰকাৰী সুবিধা