তিনিচুকীয়া,7 মে’ : বৃহস্পতিবাৰে তিনিচুকীয়াৰ আবকাৰী অধীক্ষক মানস জ্যোতি দাসে উৎকোচ লোৱাৰ সময়তে হাতে-লোটে ধৰা পৰাৰ পাচত নিশা আবকাৰী অধীক্ষকগৰাকীৰ ভাড়াঘৰত তালাচী চলায় দুৰ্নীতি নিবাৰক শাখাই ৷ বৰগুৰিস্থিত ভাড়াঘৰত চলোৱা তালাচী অভিযানত মুঠ 3 লাখ 91 হাজাৰ টকা জব্দ কৰে শাখাটোৱে ৷ লগতে বহু নথি-পত্ৰ, লেপটপো জব্দ কৰিবলৈ সক্ষম হয় ৷
উল্লেখ্য যে, তিনিচুকীয়াৰ বিলাতী সুৰাৰ বিপনীৰ পৰা প্ৰতিমাহে বৃহৎ পৰিমাণৰ ধন সংগ্ৰহ কৰাৰ অভিযোগত আবকাৰী অধীক্ষকগৰাকীৰ বিৰুদ্ধে অভিযান চলাইছিল দুৰ্নীতি নিবাৰক শাখাই ৷ বৃহস্পতিবাৰে দিনৰ ভাগত প্ৰায় 4 ঘণ্টা বিষয়াগৰাকীৰ কাৰ্যালয়ৰ ভিতৰত জেৰা চলোৱাৰ পাচত তেওঁক গ্ৰেপ্তাৰ কৰে ৷ অভিযুক্ত বিষয়াগৰাকীৰ লগতে আটক হয় অৰ্জুন বাস্ফৰ নামৰ আন এজন যুৱক ৷
লগতে পঢ়ক :নিৰ্বাচনী হিংসাৰ বলি হৈ কোকৰাঝাৰত আশ্ৰয় গ্ৰহণ পঃ বংগৰ 30 গৰাকী লোকৰ