তিনিচুকীয়া, 1 জুন : যোৱা ২৮ মে' তাৰিখে তিনিচুকীয়া জিলাৰ ডুমডুমা সমষ্টিৰ অন্তৰ্গত চ'তা হাপজানত সংঘটিত হৈছে এক চাঞ্চল্যকৰ ঘটনা । ছাত্ৰ সংগঠনৰ এজন নেতাৰ বিৰুদ্ধে স্বামী নথকাৰ অৱস্থাত ঘৰত সোমাই এগৰাকী মহিলাক ধৰ্ষণ কৰাৰ অভিযোগ উত্থাপন হৈছে ।
অভিযোগ অনুসৰি আটছাৰ মাকুম শাখা সমিতিৰ সহকাৰী সাধাৰণ সম্পাদক চনু পাণিকা নামৰ ছাত্ৰ নেতাজনে চ'তা হাপজানৰ নিবাসী মহেশ তাঁতীৰ পত্নীক যোৱা ২৮ মে' তাৰিখে ধৰ্ষণ কৰে । মহিলা গৰাকীৰ স্বামী ঘৰত নথকা অৱস্থাত যুৱকজনে মুখত সোপা দি মহিলা গৰাকীক ধৰ্ষণ কৰাৰ অভিযোগ উত্থাপন হৈছে ।
তিনিচুকীয়াত ছাত্ৰ নেতাৰ বিৰুদ্ধে ধৰ্ষণৰ অভিযোগ
পৰৱৰ্তী সময়ত ঘটনা সম্পৰ্কে মহিলা গৰাকীৰ স্বামীয়ে অৱগত হোৱাৰ পাছতেই মাকুম আৰক্ষী প্ৰশাসনৰ কাষ চাপে আৰু যুৱকজনৰ বিৰুদ্ধে মাকুম আৰক্ষী থানাত এক এজাহাৰ দাখিল কৰে । কিন্তু এই পৰ্যন্ত আৰক্ষীয়ে কোনো ধৰণৰ ব্যৱস্থা গ্ৰহণ নকৰাৰ অভিযোগ উত্থাপন হৈছে ৷