অচিনাক্ত লোকৰ হাতত প্ৰাণ গ'ল এগৰাকী বিধৱা মহিলাৰ

শদিয়া ইছলামপুৰ গাঁৱৰ লিপ্সা কোঁচ নামৰ ৫০ বছৰীয়া এগৰাকী বিধৱা মহিলাক কোনো অচিনাক্ত লোকে ডিঙি আৰু গুপ্তাংগ কাটি অতি মৰ্মান্তিকভাৱে হত্যা কৰে ৷ এই ঘটনাৰ সন্দৰ্ভত স্থানীয় লোকে সদৰি কৰা অনুসৰি শুকুৰবাৰৰ নিশা ভাগত সংঘটিত হৈছিল এই হত্যাকাণ্ড ৷ কিন্তু মহিলা গৰাকীৰ মৃতদেহ শনিবাৰৰ পুৱা ভাগতহে উদ্ধাৰ কৰা হয় ৷

শদিয়া, 23 জানুৱাৰী : শদিয়া ইছলামপুৰ গাঁৱত শনিবাৰে সংঘটিত হয় এক হত্যাকাণ্ডৰ ঘটনা । লিপ্সা কোঁচ নামৰ ৫০ বছৰীয়া এগৰাকী বিধৱা মহিলাক কোনো অচিনাক্ত লোকে ডিঙি আৰু শৰীৰৰ নিম্নাংশ কাটি অতি মৰ্মান্তিকভাৱে হত্যা কৰে ৷ বৰ্তমান সময়লৈকে মহিলা গৰাকীৰ হত্যাকাৰীক চিনাক্ত কৰিবলৈ সক্ষম হোৱা নাই ৷

ইফালে এই ঘটনাৰ সন্দৰ্ভত স্থানীয় লোকে সদৰি কৰা অনুসৰি শুকুৰবাৰৰ নিশাৰ ভাগত সংঘটিত হৈছিল এই হত্যাকাণ্ড ৷ কিন্তু মহিলা গৰাকীৰ মৃতদেহ শনিবাৰৰ পুৱাৰ ভাগতহে উদ্ধাৰ কৰা হয় ৷

ইতিমধ্যে এই ঘটনাৰ সন্দৰ্ভত শদিয়া আৰক্ষী থানাত এক এজাহাৰ দাখিল কৰা হৈছে ৷ ৫০ বছৰীয়া এগৰাকী বিধৱা মহিলা গৰাকীক কোনে, কিয় হত্যা কৰিলে সেইয়া বৰ্তমানলৈকে ৰহস্যৰ আৱৰ্তত আছে ৷ এই সমগ্ৰ ঘটনাৰ সন্দৰ্ভত তদন্ত অব্যাহত ৰাখিছে শদিয়া আৰক্ষীয়ে ৷

লগতে পঢ়ক : ঐতিহাসিক জেৰেঙা পথাৰত কি ক’লে প্ৰধান মন্ত্ৰী নৰেন্দ্ৰ মোডীয়ে