মাৰ্ঘেৰিটা, 26 মে' : এচাম ব্যক্তিৰ চূড়ান্ত গাফিলতি আৰু অকৰ্মণ্যতাৰ বাবে জাগুনৰ ফানেং গাঁৱত দেওবাৰে সংঘটিত হয় এক কৰুণ ঘটনা ৷ উচ্চ বিদুৎ পৰিবাহী তাঁৰত লাগি এটি ৭ বছৰীয়া এটি শিশুৰ থিতাতে মৃত্যু হোৱাৰ লগতে গুৰুতৰভাৱে আহত হয় আন এটি শিশু ৷ পুৱা ৭ বজাতে দুই বন্ধুৰ সৈতে কাঠফুলা বিচাৰি একেখন গাঁৱৰে ৰঞ্জিত পজিয়াল নামৰ এগৰাকী লোকৰ বাৰীত প্ৰৱেশ কৰিব লওতেই সংঘটিত হয় দুৰ্ঘটনাটো ৷ কোনো দুস্কৃতিকাৰীয়ে বাৰীত প্ৰৱেশ কৰিব বুলি সংযোগ কৰি ৰখা বিদুৎ প্ৰবাহিত তাঁৰৰ লাগি আইনয় মানহায় নামৰ শিশুটিৰ থিতাতে মৃত্যু হোৱাৰ লগতে আহত হয় বাব্লু ভোমিজ নামৰ আন এটি শিশু ৷
জাগুনত কৰুণ ঘটনা