টিংখঙত 10বছৰীয়া শিশুক ধৰ্ষণ তাৰ পাচত হত্যাৰ অপচেষ্টা! - টিংখঙত 10বছৰীয়া শিশুক ধৰ্ষণ খবৰ
ওৰে নিশা চাহ বাগিচাৰ নলাত পৰি থাকি পুৱা চেতনা ঘুৰি অহা কিশোৰী গৰাকীক উদ্ধাৰ কৰে স্থানীয় ৰাইজে। সম্বন্ধীয় মামাকৰ কামনাৰ বলি হোৱা ১০ বছৰীয়া কিশোৰী গৰাকীক টিংখাঙৰ সমীপৰ নাহৰণিৰ নিৱাসী টাৰজেন ভাইনা ওৰফে যোগেন গড় ৷ যুৱকজনে বুধবাৰে টিংখাং চাহ বাগিচাৰ পৰা বাইকত ফুৰাবলৈ বুলি ফুচুলাই নি তিনিআলি চাহ বাগিচাৰ মাজত সংঘটিত কৰে এই কাণ্ড ।
টিংখাং,17 অক্টোবৰঃ মানৱ সমাজক লজ্জানত কৰা এক জঘন্য ধৰ্ষণ কাণ্ডৰ ঘটনা সংঘটিত হৈছে টিংখাঙত । এগৰাকী ১০ বছৰীয়া কিশোৰী তথা তৃতীয় শ্ৰেণীৰ ছাত্ৰীক চাহ বাগিচাৰ মাজত ধৰ্ষণ কৰি বৰ্বৰভাৱে আক্ৰমণ কৰি ডিঙি চেপি হত্যাৰ চেষ্টা। মৃত্যু হোৱা বুলি ভাবি টিংখাঙৰ তিনিআলি চাহ বাগিচাৰ এটা নলাত পেলাই থৈ পলায়ন কৰে অভিযুক্তই । ওৰে নিশা চাহ বাগিচাৰ নলাত পৰি থাকি পুৱা চেতনা ঘুৰি অহা কিশোৰী গৰাকীক উদ্ধাৰ কৰে স্থানীয় ৰাইজে।সম্বন্ধীয় মামাকৰ কামনাৰ বলি হোৱা ১০ বছৰীয়া কিশোৰী গৰাকীক টিংখাঙৰ সমীপৰ নাহৰণিৰ নিৱাসী টাৰজেন ভাইনা ওৰফে যোগেন গড় ৷ যুৱকজনে বুধবাৰে টিংখাং চাহ বাগিচাৰ পৰা বাইকত ফুৰাবলৈ বুলি ফুচুলাই নি তিনিআলি চাহ বাগিচাৰ মাজত সংঘটিত কৰে এই কাণ্ড । ইমানতে শান্ত নাথাকি পাষণ্ডটোৱে কিশোৰীগৰাকীক বৰ্বৰ ভাৱে প্ৰহাৰ কৰি হত্যাৰ চেষ্টা কৰে । সমগ্ৰ মুখমণ্ডল, চকু আদিত গুৰুতৰ আঘাত পোৱা ছাত্ৰীগৰাকী বৰ্তমান টিংখাং আৰক্ষীৰ জিম্মাত । ইতিমধ্যে ভুক্তভোগী ছোৱালীজনীৰ পৰিয়ালে টিংখাং আৰক্ষী থানাত ঘটনা সন্দৰ্ভত এজাহাৰ দাখিল কৰিছে ৷