মানকাচৰত ধন বিতৰণত দুৰ্নীতিৰ অভিযোগ

মানকাচৰত হিতাধিকাৰীৰ মাজত ধন বিতৰণত দুৰ্নীতিৰ অভিযোগ । পানকাটা গাঁও পঞ্চায়তৰ সভাপতি,সদস্য আৰু সচিবৰ বিৰুদ্ধে এই গুৰুতৰ অভিযোগ। জিলা উপায়ুক্তক তদন্তৰ দাবী জনায় স্থানীয় ৰাইজে ।

মানকাচৰ, 15 এপ্ৰিলঃ সমগ্ৰ বিশ্বতে চলি থকা ল’ক ডাউনৰ সময়ছোৱাত অসম চৰকাৰে ৰেচন কাৰ্ড নথকা হিতাধিকাৰীক 1000 টকাকৈ দিবলৈ নিৰ্দেশ প্ৰদান কৰে । ইয়াৰ মাজতেই দক্ষিণ শালমাৰাৰ মানকাচাৰ জিলাৰ পানকাটা গাঁও পঞ্চায়তৰ সভাপতি আৰু সচিবৰ কেলেংকাৰীৰ ঘটনা পোহৰলৈ আহিছে ।
পানকাটা গাঁও পঞ্চায়তৰ অন্তৰ্গত কালাপাৰা গাঁৱৰ ৰেচন কাৰ্ড নথকা হিতাধিকাৰীক কোনো ধৰণৰ চৰকাৰী সাহাৰ্য দিয়া নিদিয়াৰ অভিযোগ উত্থাপন হৈছে ৷ ৰাইজৰ অভিযোগ অনুসৰি,ৰেচন কাৰ্ড থকা লোকসকলক 1000 টকাৰ সুবিধা পাইছে, অথচ ৰেচন কাৰ্ড নথকা বহু লোকে এই সুবিধাৰ পৰা বঞ্চিত হৈ আছে । এই সন্দৰ্ভত স্থানীয় ৰাইজে চৰকাৰ তথা জিলা প্ৰশাসনক সঠিক তদন্ত কৰিবলৈ আহ্বান জনোৱাৰ লগতে দোষীক কঠোৰভাৱে শাস্তিৰ দাবী জনায়।

লগতে পঢ়কঃ চিৰাঙত ৰাজস্থানী অঘৰীৰ দলঃ কৰ'ণা আতংক