নদীত উঠি আহিল মহিলাৰ অৰ্ধগলিত মৃতদেহ

দক্ষিণ শালমাৰা-মানকাচৰ জিলাৰ সদৰ হাটশিঙিমাৰীৰ পাৰ্শ্বৱৰ্তী সুখচৰ থানাৰ অন্তৰ্গত, জিঞ্জিৰাম নৈত এগৰাকী অচিনাক্ত মহিলাৰ মৃতদেহ উদ্ধাৰক লৈ চাঞ্চল্যৰ সৃষ্টি হৈছে ।

ধুবুৰী, 11 মে': হাটশিঙিমাৰীৰ সুখচৰ জিঞ্জিৰাম নৈত অচিনাক্ত মহিলাৰ মৃতদেহ উদ্ধাৰক লৈ চাঞ্চল্য । আনুমানিক ৫৫ বছৰ বয়সীয়া মহিলাগৰাকীৰ উৱলি যোৱা মৃতদেহ ব্ৰহ্মপুত্ৰ নদীৰ সুঁতি এটাৰে, পানীৰ সোঁতত উটি আহি সুখচৰ জিঞ্জিৰাম নৈৰ পাৰঘাটত লাগি ধৰে । পানীৰ সোঁতত উটি আহি থকা অৱস্থাত কাউৰীয়ে ভক্ষণ কৰি আছিল মৃতদেহটো ।

স্থানীয় ৰাইজে মৃতদেহটো প্ৰত্যক্ষ কৰি সুখচৰ থানাৰ আৰক্ষীক অৱগত কৰাত, ঘটনাস্থলীত আৰক্ষী উপস্থিত হৈ জিলা কাৰ্যবাহী দণ্ডাধীশ বিভাস মেধিৰ উপস্থিতিত মৃতদেহটো উদ্ধাৰ কৰি, সুখচৰ থানালৈ নি মৰণোত্তৰ পৰীক্ষাৰ ব্যৱস্থা কৰে ।

লগতে পঢ়কঃমৃতদেহ উদ্ধাৰক লৈ কৰিমগঞ্জত চাঞ্চল্য