ধুবুৰী, ২২ ফেব্ৰুৱাৰী: ৰাজ্যৰ ভিন্ন প্ৰান্তৰ সমান্তৰালকৈ সোমবাৰে দক্ষিণ শালমাৰাতো জিলা ছাত্ৰ সন্থাই প্ৰতিবাদ সাব্যস্ত কৰে । অসম চুক্তিৰ ৬ নং দফা ৰূপায়ণ কৰা, বৃহৎ নদীবান্ধৰ সমস্যা সমাধান কৰা আৰু বান-খহনীয়া সমস্যাক ৰাষ্ট্ৰীয় সমস্যা হিচাপে ঘোষণা কৰাৰ দাবী জনায় প্ৰতিবাদকাৰীসকলে । দক্ষিণ শালমাৰা মানকাচৰ জিলা ছাত্ৰ সন্থাই ক'লা বেজ পৰিধান কৰি প্ৰধানমন্ত্ৰী নৰেন্দ্ৰ মোডীৰ অসম ভ্ৰমণৰ দিনটোতে বিক্ষোভ প্ৰদৰ্শন কৰে ।
দক্ষিণ শালমাৰাত প্ৰতিবাদী কাৰ্যসূচী ৰূপায়ণ ছাত্ৰ সন্থাৰ - নদীবান্ধৰ সমস্যা সমাধান
সোমবাৰে প্ৰধানমন্ত্ৰী নৰেন্দ্ৰ মোডীৰ অসম ভ্ৰমণৰ সময়তে ৰাজ্যজুৰি প্ৰতিবাদী কাৰ্যসূচী ৰূপায়ণ কৰে সদৌ অসম ছাত্ৰ সন্থাই । দক্ষিণ শালমাৰাতো জিলা ছাত্ৰ সন্থাই বিক্ষোভ প্ৰদৰ্শন কৰে । ক'লা বেজ পৰিধান কৰি প্ৰতিবাদী কাৰ্যসূচীত অংশ লয় সংগঠনৰ সদস্যসকলে ।
দক্ষিণ শালমাৰাত ছাত্ৰ সন্থাৰ প্ৰতিবাদী কাৰ্যসূচী ৰূপায়ণ
উক্ত বিক্ষোভ কাৰ্যসূচীত অংশগ্ৰহণ কৰে দক্ষিণ শালমাৰা মানকাচৰ জিলা ছাত্ৰ সন্থাৰ সাধাৰণ সম্পাদক শৰিফুল ইছলাম প্ৰধানী আৰু শিক্ষা সম্পাদক মনিৰুল ইছলামৰ লগতে আন সদস্যসকলে । জিলা আছুৰ সাধাৰণ সম্পাদক শৰিফুল ইছলাম প্ৰধানীয়ে কয় যে, শীঘ্ৰেই অসম চৰকাৰ আৰু কেন্দ্ৰীয় চৰকাৰে যদি এই সমস্যাবোৰ সমাধান নকৰে তেন্তে, আগন্তুক দিনত গণতান্ত্ৰিক আন্দোলন তীব্ৰতৰ কৰি তোলাৰো হুংকাৰ দিয়ে । সোমবাৰে সদৌ অসম ছাত্ৰ সন্থাৰ নিৰ্দেশমৰ্মে সমগ্ৰ ৰাজ্যতে জিলা আৰু আঞ্চলিক সমিতিসমূহে প্ৰতিবাদী কাৰ্যসূচী ৰূপায়ণ কৰে ।
লগতে পঢ়ক:বকোৰ সোণতলীত ট্ৰেক্টৰৰ খুন্দাত আহত কৃষক