তেজপুৰ, 7 জানুৱাৰী : ইংৰাজী নৱ বৰ্ষৰ আৰম্ভণিতে ব্যক্তিগত খণ্ডৰ চিকিৎসালয় নেমকেয়াৰৰ এক প্ৰশংসনীয় পদক্ষেপ ৷ চিকিৎসালয়খনে ৰাজ্যৰ শিল্পী, সাহিত্যিক আৰু সাংবাদিক সকলৰ বাবে মুকলি কৰিলে এখন হেল্থ কাৰ্ড ৷ বৃহস্পতিবাৰে তেজপুৰস্থিত নেম কেয়াৰ হাস্পতালত অনুষ্ঠিত হৈ যায় এই হেল্থ কাৰ্ডৰ মুকলি কাৰ্যসূচী (Zubeen Garg launches health card at Nemcare hospital) ৷
শিল্পী, সাহিত্যক আৰু সাংবাদিক সকলৰ চিকিৎসাৰ ক্ষেত্ৰত সকাহ হোৱাকৈ নেমকেয়াৰে উলিওৱা এই হেল্থ কাৰ্ডখনি মুকলি কৰে শিল্পী জুবিন গাৰ্গে ৷ কাৰ্ডখনৰ জড়িয়তে ৰাজ্যৰ শিল্পী, সাহিত্যক আৰু সাংবাদিক সকলে তেওলোকৰ যিকোনো ৰোগৰ চিকিৎসাৰ বাবে 10 শতাংশ ৰেহাইৰ কথা উল্লেখ কৰিলে নেমকেয়াৰ হাস্পতালৰ স্বত্বাধিকাৰী তথা পৰিচালন সঞ্চালক হিতেশ বৰুৱাই ৷ ইয়াৰ লগতে চিকিৎসাৰ 10 শতাংশ ব্যয় বহন কৰাৰ কথা উল্লেখ কৰিলে শিল্পী জুবিন গাৰ্গে ৷