তেজপুৰৰ জ'নেল কোৱাৰেন্টাইন কেন্দ্ৰত উপস্থিত 77 গৰাকী বহিঃ ৰাজ্যৰ পৰা অহা ব্যক্তি

শুকুৰবাৰৰ পৰা মেডিকেল স্ক্রিনিং আৰম্ভ হ'ল তেজপুৰ কেন্দ্ৰীয় বিশ্ববিদ্যালয়ৰ জ’নেল কোৱাৰেণ্টাইন কেন্দ্ৰত ৷ বহিঃৰাজ্যৰ পৰা অহা লোকসকলৰ বাবে এই ব্যৱস্থা গ্ৰহণ শোণিতপুৰ জিলা প্ৰশাসনৰ ৷

তেজপুৰ,৮ মে' ঃ তেজপুৰ কেন্দ্ৰীয় বিশ্ববিদ্যালয়ৰ জ’নেল কোৱাৰেণ্টাইন কেন্দ্ৰত শুকুৰবাৰৰ পৰা আৰম্ভ হ'ল মেডিকেল স্ক্রিনিং ৷ বহিঃৰাজ্যৰ পৰা অহা লোকসকলৰ কোৱাৰেণ্টাইনৰ বাবে এই ব্যৱস্থা গ্ৰহণ কৰিছে শোণিতপুৰ জিলা প্ৰশাসনে ৷ বহিঃৰাজ্যৰ পৰা অসমৰ পাঁচ জিলালৈ আহিবলগীয়া বৃহৎ সংখ্যক লোকৰ বাবে এই পদক্ষেপ গ্ৰহণ কৰিছে প্ৰশাসনে ৷ বৰ্তমানলৈকে মুঠ ৭৭ জন লোক আহি উপস্থিত হৈছে তেজপুৰৰ জ'নেল কোৱাৰেন্টাইন কেন্দ্ৰত ৷

তেজপুৰ কেন্দ্ৰীয় বিশ্ববিদ্যালয়ৰ জ’নেল কোৱাৰেণ্টাইন কেন্দ্ৰ

মূলতঃ শোণিতপুৰ, বিশ্বনাথ, ওদালগুৰি, ধেমাজি আৰু লখিমপুৰ জিলালৈ আহিবলগীয়া লোকক তেজপুৰ কেন্দ্ৰীয় বিশ্ববিদ্যালয়ৰ অন্তৰ্গত কেন্দ্ৰীয় বিদ্যালয়ৰ আছুতীয়া কক্ষত কোৱাৰেণ্টাইন কৰা হ’ব ৷ জিলা প্ৰশাসনে পাঁচখন জিলালৈ আহিবলগীয়া এই লোক সকলৰ বাবে তেজপুৰ কেন্দ্ৰীয় বিশ্ববিদ্যালয়ৰ অৰ্ন্তগত কেন্দ্ৰীয় বিদ্যালয়ত সাজু কৰি ৰাখিছে আচুতীয়া কক্ষ ৷ আনহাতে বহিঃ ৰাজ্যৰ পৰা অহা লোকসকলক ১৪ দিনৰ বাবে কোৱাৰেণ্টাইনৰ ব্যৱস্থা কৰা হৈছে তেজপুৰৰ মুঠ ২২ খন হোটেল, প'ল ফিল্ড ইণ্ডোৰ ষ্টেডিয়াম, তেজপুৰৰ দৰং মহাবিদ্যালয় আদি স্থানত ৷