তেজপুৰ, ১৯ ছেপ্টেম্বৰ: সোমবাৰে জিলা কৃষি বিভাগৰ উদ্যোগত NFSM(National Food Security Mission) আঁচনিৰ অধীনত আৰু জয়মতী কৃষি উৎপাদক গোটৰ সহযোগত প্ৰায় ৩৫০ বিঘা মাটিত মাটি মাহৰ বীজ সিঁচাৰ শুভাৰম্ভ কৰা হয়(Agricultural revolution of women) । জিলা কৃষি বিষয়া পংকজ শইকীয়াই APART ৰ বিষয়ববীয়াসকলৰ উপস্থিতিত জয়মতী কৃষি উৎপাদক গোটৰ সম্পাদিকা কমল কুমাৰী বড়োৱে নিজেই ট্ৰেক্টৰ চলাই যান্ত্ৰিক পদ্ধতিৰে মাটি মাহৰ বীজ সিঁচি মহিলাসকলক উৎসাহিত কৰে ।
বিগত বৰ্ষত এশ বিঘা মাটিত ৰঙালাও, ৮০০ বিঘা মাটিত সৰিয়হ আৰু ২০ বিঘা মাটিত আলু খেতি কৰি প্ৰায় ২৫ লাখ টকা উপাৰ্জন কৰিবলৈ সক্ষম হোৱা জয়মতী কৃষি উৎপাদক গোটে ন বিল গাভৰু কৃষি মহিলা উৎপাদক গোট আৰু জননী কৃষি মহিলা উৎপাদক গোটৰ সহযোগত মহিলাসকলে নিজেই ট্ৰেক্টৰেৰে হাল বাই মাটি মাহৰ খেতি আৰম্ভ কৰিছে(Women trying to become self reliant) ।
কৃষি উৎপাদক গোটটোৰ চাৰিশ মহিলাই দুগুণ উৎসাহেৰে কৃষি কাৰ্য্যত জড়িত হৈ এই বৰ্ষত ৩৫০ বিঘা মাটিত মাটি মাহ, ১০০বিঘা মাটিত আলু, ২০০০ বিঘা মাটিত সৰিয়হ আৰু ১০০০ বিঘা মাটিত ৰঙালাও খেতিৰ কাম আৰম্ভ কৰিছে (Women farming in Sonitpur) । সোমবাৰে ন বিলত ৭০ বিঘা মাটিত জয়মতী কৃষি উৎপাদক গোটৰ সম্পাদিকা কমল কুমাৰী বড়োৱে নিজেই ট্ৰেক্টৰ চলাই মাটি মাহৰ বীজ সিঁচাৰ লগতে জিলা কৃষি বিষয়া পংকজ শইকীয়া আৰু কৃষি উৎপাদক গোটৰ অন্যান্য মহিলাসকলেও বীজ সিঁচা কাৰ্যত অংশগ্ৰহণ কৰে ।