অৰুণাচলত চাৰিবাৰকৈ বিক্ৰী যোৰহাটৰ মহিলা

শোণিতপুৰ জাৰ্ণেলিষ্ট ইউনিয়নৰ সাংবাদিকৰ তৎপৰতাত শোণিতপুৰৰ উপায়ুক্ত নৰসিং পৱাৰৰ হস্তক্ষেপত মহিলা গৰাকীক তেজপুৰ কনকলতা অসামৰিক চিকিৎসালয়লৈ প্ৰেৰণ কৰে

শোণিতপুৰ, 25 আগষ্টঃ তেজপুৰ অসম ৰাজ্যিক পৰিবহণ নিগমৰ বাছস্থানত উদ্ধাৰ এগৰাকী অসহায় মহিলা ৷ নিজৰ সঠিক পৰিচয় দিবলৈ অক্ষম মহিলা গৰাকীক শুকুৰবাৰে আবেলি অৰুণাচল প্ৰদেশৰ চেপ্পাৰ পৰা তেজপুৰ অভিমুখী R -X0440 নম্বৰৰ যাত্ৰীবাহী নৈশ বাছত এজন ব্যক্তিয়ে উঠাই দিয়া বুলি জানিবলৈ দিয়ে বাছখনৰ চালকজনে ৷ শোণিতপুৰ জাৰ্ণেলিষ্ট ইউনিয়নৰ সাংবাদিকৰ তৎপৰতাত শোণিতপুৰৰ উপায়ুক্ত নৰসিং পৱাৰৰ হস্তক্ষেপত মহিলা গৰাকীক তেজপুৰ কনকলতা অসামৰিক চিকিৎসালয়লৈ প্ৰেৰণ কৰে ।

আনহাতে, অৰুণাচল প্ৰদেশৰ বিভিন্ন স্থানত মহিলা গৰাকীক চাৰিবাৰকৈ সম্পৰ্কীয় খুড়াক আৰু তিনিজনীয়া এটি যুৱকৰ দলে বক্ৰী কৰে বুলি জানিবলৈ দিয়ে । প্ৰথমে, যোৰহাট তেকেৰী পটিৰ পৰা চাৰি জনীয়া এটি যুৱকৰ দলে অৰুণাচল প্ৰদেশলৈ নি বিক্ৰী কৰিছিল ৰিগা কেম্প নামৰ ঠাইত । তাৰ পাচত পুণৰ বিক্ৰী কৰে পাইকাংগু নামৰ অৰুণাচল প্ৰদেশৰ ৰিগাৰ সমীপৰ এটা বস্তিত । বস্তিত কিছুদিন থকাৰ পাছত আওলগা আলি নামৰ লোকজনৰ সৈতে বিবাহ-পাশত আৱদ্ধ হয় যদিও সম্পৰ্কীয় খুড়াক আৰু পাইকাংগু নামৰ লোকজনে ফুচুলাই নি মহিলা গৰাকীক পুণৰ অৰুণাচল প্ৰদেশৰ পাকে নামৰ ঠাইৰ এখন হোটেলত বিক্ৰী কৰে বুলি মহিলা গৰাকীয়ে প্ৰকাশ কৰে ।