ৰঙাপৰা, ০৮ জুলাই :শোনিতপুৰ জিলাৰ ৰঙাপৰাৰ ২ নং নাহৰণী গ্ৰাণ্টত নিশা 'লাডেন' নামৰ বন্যহস্তীটোয়ে উপদ্ৰৱ চলায় । দেওবাৰে নিশা প্ৰায় ২ মান বজাত আঘাতপ্ৰাপ্ত বনৰীয়া দঁতাল হাতীটোয়ে খাদ্যৰ সন্ধানত গাঁওখনত প্ৰৱেশ কৰে ।
ৰঙাপৰাৰ নাহৰণী গ্ৰাণ্ট গাঁৱত 'লাডেন'ৰ ত্ৰাস জানিব পৰা মতে বনৰীয়া হাতীটোয়ে গাঁওখনৰ মাংৰা মুণ্ডা নামৰ লোক এজনৰ বাসগৃহটো ভাঙি লণ্ড ভণ্ড কৰাৰ লগতে খাদ্য সামগ্ৰী সকলো ভক্ষণ কৰে । ইফালে, ঘটনাৰ খবৰ পাই ৰঙাপৰা আমাৰীবাৰীৰ বন বিভাগৰ লোক ঘটনাস্থলীত উপস্থিত হয় । উল্লেখ্য যে ৰঙাপৰাত লাডেনৰ উপদ্ৰৱ অব্যাহত থকাৰ বাবে ৰাইজে উজাগৰে নিশা কটাবলগীয়া হৈছে ।
