ৰঙাপৰা,১৯ আগষ্ট :ৰাজ্যত অব্যাহত আছে হস্তী মানুহৰ সংঘাত (Elephant human conflict in Assam)। খাদ্যৰ সন্ধানত প্ৰায় বন্যহস্তী জনাঞ্চলত প্ৰৱেশ কৰি তাণ্ডৱৰ সৃষ্টি কৰে । ঘৰ-দুৱাৰ ভাঙি, পথাৰৰ শস্য নষ্ট কৰাৰ লগতে বন্যহস্তীৰ আক্ৰমণত প্ৰতিবছৰে বহুলোকৰ মৃত্যু হোৱাও দেখা যায় ।
ৰঙাপৰাত বন্যহস্তীৰ তাণ্ডৱ
শোণিতপুৰ জিলাত প্ৰতিবছৰে বন্যহস্তীয়ে উপদ্ৰৱ চলায় আহিছে । এইবাৰ বনৰীয়া হাতীয়ে জিলাখনৰ ৰঙাপৰা অঞ্চলত বিস্তৰ ক্ষতিসাধন কৰে । শুকুৰবাৰে নিশা হাবিৰ পৰা ওলাই অহা দুটা বনৰীয়া হাতীয়ে গাঁৱত প্ৰৱেশ কৰে । তাৰ পাছতে হাতী দুটাই ৰৌনাথপুৰ প্ৰাথমিক বিদ্যালয়ত উপদ্ৰৱ চলায় (Wild elephants damage school in Rangapara)। খাদ্যৰ সন্ধানত অহা বনৰীয়া হাতী দুটাই বিদ্যালয়খনৰ পকী বেৰ ভাঙি সা-সম্পত্তি নষ্ট কৰাৰ লগতে বিস্তৰ ক্ষতিসাধন কৰে ।