বালিপৰাত ড্ৰাগছসহ আটক চাৰিজন

AS-01-HC-3869 নম্বৰৰ ৰঙা ৰঙৰ এখন চুইফট গাড়ী ভালুকপুঙৰ পৰা বালিপৰা অভিমুখে আহি থকাৰ সময়ত আৰক্ষীৰ সন্দেহ উপজে । তাৰ পাচত গাড়ীখন ৰখাবলৈ নিৰ্দেশ দিয়ে যদিও আৰক্ষী দেখি পলাবলৈ চেষ্টা কৰে গাড়ীখন

ৰঙাপৰাঃ, 10 আগষ্টঃ শোণিতপুৰৰ বালিপৰাত ড্ৰাগছসহ চাৰিজনক আটক ৷ শোণিতপুৰৰ চাৰিদুৱাৰ আৰক্ষীয়ে শনিবাৰে অভিযান চলায় ব্ৰাউন চুগাৰসহ এগৰাকী যুৱতী আৰু তিনিজন যুৱকক আটক কৰে । AS-01-HC-3869 নম্বৰৰ ৰঙা ৰঙৰ এখন চুইফট গাড়ী ভালুকপুঙৰ পৰা বালিপৰা অভিমুখে আহি থকাৰ সময়ত আৰক্ষীৰ সন্দেহ উপজে । তাৰ পাচত গাড়ীখন ৰখাবলৈ নিৰ্দেশ দিয়ে যদিও আৰক্ষী দেখি পলাবলৈ চেষ্টা কৰে গাড়ীখন ৷ কিন্তু আৰক্ষীৰ তৎপৰাত জব্দ কৰিবলৈ সক্ষম হয় গাড়ীখন । গাড়ীখনৰ পৰাই আৰক্ষীয়ে তালাচী চলায় বৃহৎ পৰিমাণৰ ব্ৰাউন চুগাৰ, গাঞ্জাৰ লগতে বিভিন্ন আপত্তিজনক সামগ্ৰী উদ্ধাৰ কৰে । ইফালে চাৰিদুৱাৰ আৰক্ষীয়ে আটকাধীন যুৱক কেইজন হল ক্ৰমে তেজপুৰৰ মৃদুপৱন মজুমদাৰ, গুৱাহাটী ডাউন টাউনৰ ৰক্তিম দাস আৰু গুৱাহাটী ছয় মাইলৰ নিলোৎপল বড়ো ।