তেজপুৰ, 2 অক্টোবৰ: 2022 চনৰ ভিতৰত কৃষকৰ আয় দুগুণ বৃদ্ধি কৰাৰ উদ্দেশ্যেৰে প্ৰধানমন্ত্ৰী কিষাণ সম্পদ আঁচনিৰ অধীনত তেজপুৰৰ ডিপোটাত নিৰ্মাণ হ'ব অসমৰ তৃতীয়খন মিনি ফুড পাৰ্ক । সম্প্ৰতি ফুড পাৰ্কখনৰ নিৰ্মাণৰ কাম পূৰ্ণগতিত চলিছে বুলি কেন্দ্ৰীয় মন্ত্ৰী ৰামেশ্বৰ তেলীয়ে জানিবলৈ দিয়ে ।
তেজপুৰত নিৰ্মাণ হ’ব ৰাজ্যৰ তৃতীয়খন মিনি ফুড পাৰ্ক
ভাৰত চৰকাৰৰ খাদ্যপ্ৰস্তুতকৰণ বিভাগে অনুমোদন জনোৱা তৃতীয়খন মিনি ফুড পাৰ্ক সুৰেন্দ্ৰ এগ্ৰ’ প্ৰচেছিং ক্লাষ্টাৰৰ কামৰ অগ্ৰগতিৰ খতিয়ান ল’বলৈ শুকুৰবাৰে তেজপুৰত উপস্থিত হয় কেন্দ্ৰীয় মন্ত্ৰী ৰামেশ্বৰ তেলী । তেওঁ কয় যে,30 বিঘা মাটিত নিৰ্মাণ হ’ব লগা মিনি ফুড পাৰ্কত কৃষকে পোনপটীয়াকৈ বিক্ৰী কৰিব পাৰিব উৎপাদিত ফচল । ইয়াৰ ফলত কৃষকৰ আয়ৰ পৰিমাণ বৃদ্ধি হ’ব ।