তেজপুৰ, ৩০ আগষ্ট : তেজপুৰত উত্তৰ অসম বন্য প্ৰাণী সংৰক্ষণ কাৰ্য্যালয়ৰ নেতৃত্বত চলা এক গোপন অভিযানত উদ্ধাৰ হৰিণাৰ ছাল(barking deer skin) আৰু অন্যান্য বন্য প্ৰাণীৰ দেহৰ আপত্তি জনক সামগ্ৰী । গোপন সূত্ৰৰ পম খেদি, তেজপুৰ বাৰীকা চুবুৰীত এজন ব্যক্তিৰ ঘৰৰ পৰা হৰিণাৰ ছাল উদ্ধাৰ কৰাৰ লগতে লোক জনক গ্ৰেপ্তাৰ কৰি আৰক্ষীক গতাই দিয়ে ।
নৰডাৰ্ণ ৰেঞ্জৰ বন্য প্ৰাণী বিভাগৰ বিষয়া দেবাশীষ বৰগোহাঞিৰ নেতৃত্বত অসম আৰক্ষীৰ এটা দলৰ সহযোগিতাত বন বিভাগে ৰাজা আলি নামৰ লোক জনক গ্ৰেপ্তাৰ কৰে । প্ৰাথমিক তদন্তত বন বিভাগৰ আগত লোকজনে জনায় যে, তেওঁৰ সঘনাই অৰুণাচল প্ৰদেশলৈ আহ-যাহ আছে আৰু চুবুৰীয়া ৰাজ্যখনৰ পৰাই এই সামগ্ৰী সমূহ তেওঁ আনি থৈছে ৷
ঘৰৰ ভিতৰত হৰিণাৰ ছাল ৰাখি আৰক্ষীৰ জালত পৰিল ৰাজা আলি