তেজপুৰত ফুটবল খেলৰ মাজতে সংঘৰ্ষ

তেজপুৰ শ্বহীদ বাকৰিত অনুষ্ঠিত এখন ফুটবল টুৰ্ণামেণ্টৰ কোৱাৰ্টাৰ ফাইনেলৰ খেল পৰিণত হ'ল যুদ্ধ ক্ষেত্ৰলৈ। এজন খেলুৱৈক উপৰ্যুপৰি প্ৰহাৰ কৰাৰ ফলত গুৰুতৰভাৱে আঘাতপ্ৰাপ্ত হৈ কনকলতা অসামৰিক চিকিৎসালয়ত ভৰ্তি কৰাব লগা হয় ৷

তেজপুৰ,৬আগষ্ট: যুদ্ধ ক্ষেত্ৰত পৰিণত হ'ল তেজপুৰ শ্বহীদ বাকৰিত অনুষ্ঠিত হৈ থকা ফুটবল টুৰ্ণামেণ্টৰ এখন কোৱাৰ্টাৰ ফাইনেল খেল। দুই দলৰ মাজত হোৱা সংঘৰ্ষত এজন খেলুৱৈক উপৰ্যুপৰি প্ৰহাৰ কৰে আন দলৰ খেলুৱৈসকলে ৷ ফলত গুৰুতৰভাৱে আঘাতপ্ৰাপ্ত হৈ কনকলতা অসামৰিক চিকিৎসালয়ত ভৰ্তি কৰিবলগীয়া হয় খেলুৱৈজনক ৷ ঘটনা অনুসৰি মঙলবাৰে হৰিগাঁও বনাম হাবিগাঁৱৰ মাজত হোৱা খেলত সাধাৰণ ঠেলা হেঁচাই যুদ্ধ ক্ষেত্ৰলৈ ৰূপান্তৰ হয় ৷ পাচত হৰিগাঁৱৰ খেলৰ দলটোৰ সমূহ প্ৰতিনিধি তেজপুৰ সদৰ আৰক্ষী থানাত এক এজেহাৰ দাখিল কৰি ঘটনাৰ তদন্ত দাবী জনাই।