তেজপুৰত বিজেপিৰ শ্বহীদ দিৱস উদযাপন : দলীয় কৰ্মীয়ে নাজানে সভাৰ উদ্দেশ্য

তেজপুৰত বিজেপিয়ে আয়োজন কৰিলে শ্বহীদ দিৱস ৷ সভাত উপস্থিত থাকিল সৰ্বানন্দ সোণোৱাল, হিমন্ত বিশ্ব শৰ্মা, ৰণজিৎ দাসকে ধৰি বহু কেইগৰাকী নেতা ৷ কিন্তু আশ্চৰ্যজনকভাৱে সভালৈ অহা বহুলোকৰ লগতে একাংশ বিজেপি কৰ্মীয়েও নাজানে কিয় উদযাপন কৰা হৈছে এই সভাখন ৷

তেজপুৰ, 10 ডিচেম্বৰ : আজি অসম আন্দোলনৰ প্ৰথম গৰাকী শ্বহীদ খৰ্গেশ্বৰ তালুকদাৰৰ মৃত্যু বাৰ্ষিকী ৷ শ্বহীদ গৰাকীৰ মৃত্যু বাৰ্ষিকী উপলক্ষে বৃহস্পতিবাৰে ৰাজ্যজুৰি আছুৱে পালন কৰে শ্বহীদ দিসৱ ৷ সমান্তৰালকৈ বৃহস্পতিবাৰৰ দিনটোত তেজপুৰ কলেজিয়েট হাইস্কুল খেলপথাৰত, ভাৰতীয় জনতা যুৱ মৰ্চাই পালন কৰে অসমৰ প্ৰথম গৰাকী শ্বহীদ খৰ্গেশ্বৰ তালুকদাৰ স্মৃতি দিৱস ৷ উক্ত শ্বহীদ দিৱস অনুষ্ঠানত উপস্থিত থাকে মুখ্যমন্ত্ৰী সৰ্বানন্দ সোণোৱাল, স্বাস্থ্যমন্ত্ৰী ড৹ হিমন্ত বিশ্ব শৰ্মা, বিজেপিৰ ৰাজ্যিক সভাপতি ৰঞ্জিত কুমাৰ দাসকে ধৰি ৰাষ্ট্ৰীয় সম্পাদক দিলীপ শইকীয়া ৷

তেজপুৰত বিজেপিৰ শ্বহীদ দিৱস উদযাপন

বিজেপিয়ে আয়োজন কৰা এই শ্বহীদ দিৱসক ৰাজনৈতিক সভা বুলি আখ্যা দিছে দলটোৰে একাংশ লোকে ৷ শ্বহীদ দিৱসলৈ অহা একাংশই নাজানে প্ৰকৃততে কিহৰ অনুষ্ঠান আয়োজন কৰিছে বিজেপি দলে ৷ কেৱল মাত্ৰ চৰকাৰী সা-সুবিধা আৰু দলীয় কৰ্মী হোৱাৰ বাবেই সভালৈ সোঁত বয় একাংশ বিজেপি সদস্যৰ ৷

শ্বহীদ দিৱসৰ দিনটোত শ্বহীদলৈ শ্ৰদ্ধাঞ্জলি নহয় যেন বিজেপিৰ দলীয় সভা হে অনুষ্ঠিত হ’ল তেজপুৰৰ কলেজিয়েট হাইস্কুল খেলপথাৰত ৷ ইফালে তেজপুৰত শ্বহীদ দিৱস উদযাপন কৰি বিজেপিয়ে শ্বহীদ সকলৰ প্ৰতি উচিত সন্মান প্ৰদৰ্শন কৰিছে বুলি মন্তব্য কৰে চতিয়া সমষ্টিৰ বিধায়ক পদ্ম হাজৰিকাই ৷

লগতে পঢ়কঃভোটগ্ৰহণৰ মাজতে চিৰাঙৰ খুংগ্ৰীঙত উত্তপ্ত পৰিস্থিতি