এগৰাকী ভাস্কৰ্য শিল্পীৰ হাতত প্ৰাণ পালে কৃষ্ণাৰ্জুনৰ যুঁজাৰু ৰথ

শোণিতপুৰৰ টৌভঙাৰ গোপাল চন্দ্ৰ কোঁচে নিজ হাতেৰে বিভিন্ন তৈয়াৰ কৰে ভাস্কৰ্য শিল্প ৷ এইবাৰ তেওঁৰ হাতৰ পৰশত প্ৰাণ পাই উঠে মহাভাৰতৰ শ্ৰীকৃষ্ণ-অৰ্জুনৰ যুঁজাৰু ৰথ ৷ তেওঁ এই ৰথখন ঐতিহাসিক কলিয়া গোঁসাই থানত প্ৰদান কৰিব বুলি জানিবলৈ দিয়ে ৷

চতিয়া, 30 মে’: শোণিতপুৰ জিলাৰ চতিয়া সমষ্টিৰ অন্তৰ্গত টৌভঙাৰ গোপাল চন্দ্ৰ কোঁচ নামৰ লোকজনৰ হাতৰ পৰশত প্ৰাণ পাই উঠিল মহাভাৰতৰ শ্ৰীকৃষ্ণ-অৰ্জুনৰ যুঁজাৰু ৰথ ৷ শোণিতপুৰৰ ভাস্কৰ্য শিল্পীজনে জানিবলৈ দিয়া মতে, এই যুঁজাৰু ৰথখন শোণিতপুৰৰ লখৰা অঞ্চলত অৱস্থিত ঐতিহাসিক কলিয়া গোঁসাই থানত প্ৰদান কৰিব তেওঁ ।

উল্লেখ্য যে, 1981 চনৰ 20 নৱেম্বৰত জীয়াভৰলী নদীৰ গৰাখহনীয়াত আক্ৰান্ত হোৱা গোপাল চন্দ্ৰ কোঁঁচে এই ভাস্কৰ্যসমূহ তৈয়াৰ কৰি নিজ স্বাৱলম্বীতাৰ পথ দেখুওৱাৰ লগতে তেওঁৰ পৰিয়ালটিক সুন্দৰকৈ ভৰণ-পোষণ দি আছে বুলি তেওঁ জানিবলৈ দিয়ে ৷ হাতৰ বিদ্যাৰে এনেদৰে জীৱনটোক আগবঢ়াই নিয়া কাৰ্যৰ শলাগ লৈছে স্থানীয় ৰাইজে ৷

লগতে পঢ়ক: দিহিং পাটকাইত কয়লাৰ মুক্ত খননৰ অনুমতি কিমানদূৰ সত্য !