তেজপুৰ, ৮ এপ্ৰিল :শোণিতপুৰ জিলাৰ পাঁচটা বিধানসভা সমষ্টিত অনুষ্ঠিত ইলেকট্ৰনিক ভোটিং মেচিনসমূহ তেজপুৰস্থিত দৰং মহাবিদ্যালয়ৰ ষ্ট্ৰং ৰূমত ৰখা হৈছে । জিলা নিৰ্বাচনী বিষয়া তথা উপায়ুক্ত মনৱেন্দ্ৰ প্ৰতাপ সিঙে পৰ্যবেক্ষণ কৰি থকা এই ষ্ট্ৰং ৰূমত তিনি তৰপীয়া সুৰক্ষা ব্যৱস্থা গ্ৰহণ কৰিছে বুলি জানিব দিয়ে জিলা নিৰ্বাচনী বিষয়াগৰাকীয়ে । চি আৰ পি এফৰ দ্বাৰা এই ইভিএম সমূহক প্ৰথম শ্ৰেণীৰ সুৰক্ষা প্ৰদান কৰা হৈছে ৷ আনহাতে অসম আৰক্ষী আৰু জিলা আৰক্ষী বিষয়াসকলে প্ৰত্যেক ৰাজনৈতিক দলসমূহৰ লগত সুৰক্ষা প্ৰদান কৰি আছে বুলি জানিব দিয়ে । মুঠ ২৫ তাতকৈ চি চি টিভি কেমেৰা সংলগ্ন এই সংৰক্ষিত অঞ্চলত আৰক্ষী আৰু জিলা নিৰ্বাচনী বিষয়াই দৈনিক দুই তিনিবাৰ পৰিদৰ্শনেৰে চলাই গৈছে তদাৰক ।
তিনি তৰপীয়া সুৰক্ষাৰ বেষ্টনীত শোণিতপুৰ জিলাৰ ষ্ট্ৰং ৰুম