চতিয়া, 11 ডিচেম্বৰ :অসম চৰকাৰৰ তৰফৰ পৰা আগবঢ়োৱা শোণিত কোঁৱৰ গজেন বৰুৱা বঁটাপ্ৰাপক শিল্পী ভবেন বৰাই বাৰ্ধক্যজনিত কাৰণত বৃহস্পতিবাৰে নিশা শেষ নিশ্বাস ত্যাগ কৰে(Artist Bhaben Bora Passes Away) ৷
প্ৰবীণ নাট্যশিল্পী, সু-অভিনেতা, নাট পৰিচালক, বিশিষ্ট নিৱন্ধকাৰ তথা এগৰাকী সু-বক্তা হিচাপে পৰিচিত শিল্পীগৰাকীৰ মৃত্যুত শোকস্তব্ধ হৈ পৰে সমগ্ৰ জামুগুৰিহাট ৷
২০১৯ বৰ্ষত ৰাজ্য চৰকাৰৰৰ ফালৰপৰা শোণিত কোঁৱৰ গজেন বৰুৱা বঁটা প্ৰাপক শিল্পীগৰাকীৰ মৃত্যুত এগৰাকী “গুৰুক হেৰুৱালো” বুলি মন্তব্য কৰে চতিয়া সমষ্টিৰ বিধায়ক পদ্ম হাজৰিকাই ৷ ইয়াৰোপৰি শিল্পীগৰাকীৰ মৃত্যুৰ খবৰ বিয়পি পৰাৰ লগে লগে অসংখ্য গুণমুগ্ধ তথা অনুষ্ঠান-প্ৰতিষ্ঠানৰ লোকসকল উপস্থিত হৈ শিল্পীগৰাকীৰ নশ্বৰদেহত শেষ শ্ৰদ্ধা জ্ঞাপন কৰে ৷
জামুগুৰিহাটৰ বাবে বটবৃক্ষস্বৰূপ ৯২ বছৰ বয়সত শেষ নিশ্বাস ত্যাগ কৰা ভবেন বৰাৰ মৃত্যুত ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মায়েও শোকপ্ৰকাশ কৰে ৷ মুখ্যমন্ত্ৰীৰ নিৰ্দেশমৰ্মে সম্পূৰ্ণ ৰাজ্যিক মৰ্যদাৰে শিল্পীগৰাকীৰ শেষকৃত্য সম্পন্ন কৰা হয় ৷
লগতে পঢ়ক :সেনা প্ৰধানৰ মৃত্যুত অৰুণাচল প্ৰদেশৰ ৰাজ্যপালৰ শোকপ্ৰকাশ
