তেজপুৰত শ্বপিং মলত পোলেণ্ডৰ নাগৰিক

শোণিতপুৰ জিলা উপায়ুক্তৰ মৌখিক অনুমতিলৈ ষ্টাইল বজাৰ মলখন খোলাৰ লগতে অতিৰিক্ত উপায়ুক্ত ৰোহন ঝাই বিশাল মেগামাৰ্ট খোলাৰ অনুমতি প্ৰদান কৰা বুলি সাংবাদিকৰ আগত অৱগত কৰে মল কেইখনৰ মেনেজাৰে ৷

তেজপুৰ, ৯ মে' : ৰাজ্য প্ৰশাসনৰ নিৰ্দেশনা অমান্য তেজপুৰৰ বিশাল মেগা মাৰ্ট আৰু ষ্টাইল বজাৰৰ ৷ শনিবাৰে শ্বপিং মল দুখনত দেখা গ'ল কেবাজনো গ্ৰাহকৰ লগতে শিশু , কিশোৰ আৰু এগৰাকী পোলেণ্ডৰ মহিলা ৷ মলত বিদেশী মহিলা থকাৰ পাছতো গ্ৰাহকসকলে সন্তানৰ সৈতে মুক্তমনে মল দুখনত বজাৰ কৰা পৰিলক্ষিত হয় ৷

পৰৱৰ্তি সময়ত , সাংবাদিকৰ প্ৰশ্নত শ্বপিং মলৰ মেনেজাৰে মল খোলাৰ বাবে ক্ষমা খোজাৰ লগতে মল কেইখন বন্ধ কৰে ৷ উল্লেখ্য যে, শোণিতপুৰ জিলা উপায়ুক্তৰ মৌখিক অনুমতিলৈ ষ্টাইল বজাৰ মলখন খোলাৰ লগতে অতিৰিক্ত উপায়ুক্ত ৰোহন ঝাই বিশাল মেগামাৰ্ট খোলাৰ অনুমতি প্ৰদান কৰা বুলি সাংবাদিকৰ আগত অৱগত কৰে মল কেইখনৰ মেনেজাৰে ৷