তেজপুৰ , 10 জানুৱাৰীঃ অসমৰ জন স্বাস্থ্য কাৰিকৰী বিভাগৰ বিৰুদ্ধে উত্থাপন হৈছে দুৰ্নীতিৰ অভিযোগ ৷ বিভাগীয় মন্ত্ৰী ৰিহণ দৈমাৰীৰ বিভাগৰ বিৰুদ্ধে এই অভিযোগ উত্থাপন কৰিছে বিশিষ্ট আৰ টি আই কৰ্মী দিলীপ নাথে ৷ ৰাইজৰ মাজত সামাজিক সজাগতা সৃষ্টিৰ বাবে দেৱাল অংকনৰ নামত ১ কোটি ৩৬ লাখ টকা আৰু কমিক নিৰ্মাণৰ বাবে ধাৰ্য কৰা 1 কোটি 95 লাখ টকাৰ ক্ষেত্ৰত দুৰ্নীতি হোৱাৰ অভিযোগ উত্থাপন কৰে আৰ টি আই কৰ্মী গৰাকীয়ে ৷ উক্ত অভিযোগৰ ক্ষেত্ৰত মুখ্যমন্ত্ৰীক চিবিআই তদন্ত ঘোষণা কৰিবলৈ দাবী উত্থাপন কৰে দিলীপ নাথে ৷
মন্ত্ৰী ৰিহণ দৈমাৰীৰ বিভাগত ভয়ংকৰ দুৰ্নীতি আৰ টি আই কৰ্মী গৰাকীৰ অভিযোগ, অসমৰ মুঠ ৩৩ জিলাত এই অনাময় আঁচনিৰ জৰিয়তে গাঁওৰ সৰ্বসাধাৰণ ৰাইজৰ মাজত সজাগতা সৃষ্টিৰ বাবে চৰকাৰে গাঁৱৰ দেৱাল সমূহত বিজ্ঞাপন অংকনৰ এক নিৰ্দেশনা জাৰি কৰিছিল ৷ কিন্তু মুঠ ৩৩ খন জিলাৰ তথ্য অনুসৰি কোনো স্থানতে এই দেৱাল অংকনৰ পদক্ষেপ কাৰ্যকৰী নকৰিলে এই প্ৰকল্পৰ দায়িত্ব গ্ৰহণ কৰা "এক্লাছিৱ এডভাৰ্টাইজিঙ এজেন্সি" নামৰ প্ৰতিষ্ঠানটোৱে ৷ লগতে কমিক ব্যৱহাৰৰ বাবে ধাৰ্য কৰা 1 কোটি 95 লাখ টকা মন্ত্ৰী ৰিহণ দৈমাৰীয়ে আত্মসাৎ কৰিলে বুলি অভিযোগ উত্থাপন কৰে আৰ টি আই কৰ্মী গৰাকীয়ে ৷ সংবাদ মাধ্যমৰ আগত বিষয়টো সন্দৰ্ভত মুখ্যমন্ত্ৰীৰ হস্তক্ষেপৰ দাবী কৰে দিলীপ নাথে ৷
লগতে পঢ়কঃদিলীপ হীৰাক আৰু কি কি ক'লে শংকৰ মহাদেৱনে !!
