চতিয়া,১৮জুন : শোণিতপুৰ জিলাৰ চতিয়াৰ টুপীয়াত ভয়ংকৰ পথ দুৰ্ঘটনা । সোমবাৰে নিশা ১৫ নং ৰাষ্ট্ৰীয় ঘাইপথত সংঘটিত হয় এই দুৰ্ঘটনা । AS-12-AC-5025 নম্বৰৰ এখন বলেৰ’ পিকআপ ভানে চিলিণ্ডাৰভৰ্তি এখন ট্ৰাকক অভাৰট্ৰেক কৰিবলৈ নিয়ন্ত্ৰণ হেৰুৱাই দুই পথচাৰীক মহতিয়াই লৈ যায় । দুৰ্ঘটনাটোত বলেৰ’খনত থকা সঞ্জু বৰা নামৰ এজন লোক থিতাতে নিহত হোৱাৰ লগতে বাহনখনৰ চালক কৃষ্ণ দাস আৰু সত্যব্ৰত শইকীয়া গুৰুতৰভাৱে আহত হয় । ইফালে, মহতিয়াই নিয়া দুই পথচাৰীও গুৰুতৰভাৱে আহত হয় । পথচাৰী দুজনৰ মাজত আছে এগৰাকী মহিলাও । বৰ্তমানলৈ পথচাৰী দুজনৰ পৰিচয় জানিব পৰা হোৱা নাই যদিও আঘাতপ্ৰাপ্ত লোককেইজনক তেজপুৰ চিকিৎসালয়ত ভৰ্তি কৰা হয় ।
চতিয়াৰ টুপীয়াত পথ দুৰ্ঘটনাত নিহত এজন