প্ৰতিধ্বনিৰ লোকবাদ্য-নৃত্যৰে ৰঙীণ তেজপুৰৰ ৰাঙলী পথাৰ

তেজপুৰৰ ৰাঙলী পথাৰত তেজপুৰ আঞ্চলিক বিহু সন্মিলনৰ বৰ্ণাঢ্য কাৰ্যসূচী(Rangali Bihu celebrations at Tezpur) ৷ প্ৰতিধ্বনি দলৰ উদ্যোগত চহা জীৱনৰে জড়িত লোক বাদ্যযন্ত্ৰ আৰু লোক নৃত্য প্ৰদৰ্শন । অনুষ্ঠান আৰম্ভৰ পূৰ্বে গহপুৰৰ দুৰ্ঘটনাত নিহত বিহুৱা যুৱক-যুৱতীৰ পৰলোকগামী আত্মাৰ শান্তি বিচাৰি মৌন প্ৰাৰ্থনা ৷

তেজপুৰ, 18 এপ্ৰিল :ৰাজ্যত কেইবাদিনো ধৰি অব্যাহত থকা প্ৰতিকূল বতৰৰ মাজতে ৰাজ্যবাসীয়ে উদযাপন কৰিছে হেঁপাহৰ ৰঙালী বিহু ৷ ৰাজ্যৰ চুকে-কোণে এতিয়া ৰঙালীক কেন্দ্ৰ কৰি উছাহ-উদ্দীপনাৰ সীমা নোহোৱা হোৱা দেখা গৈছে ৷

তেজপুৰ আঞ্চলিক বিহু সন্মিলনৰ বৰ্ণাঢ্য কাৰ্যসূচী

কিন্তু শনিবাৰে মাজনিশা গহপুৰত সংঘটিত পথ দুৰ্ঘটনাত পাঁচগৰাকীকৈ বিহুৱা যুৱক-যুৱতীৰ মৃত্যুৱে শোকৰ ছাঁ পেলাইছে সমগ্ৰ ৰাজ্যত ৷ তাৰমাজতে ৰাঙলী পথাৰত তেজপুৰ আঞ্চলিক বিহু সন্মিলনৰ দ্বাৰা উদযাপন কৰা হৈছে ৰঙালী বিহুৰ বৰ্ণাঢ্য কাৰ্যসূচী(Rangali Bihu celebrations at Tezpur) ৷ অনুষ্ঠানৰ আৰম্ভণিৰ পূৰ্বে গহপুৰৰ দুৰ্ঘটনাত নিহত বিহুৱা যুৱক-যুৱতীৰ পৰলোকগামী আত্মাৰ শান্তি বিচাৰি মৌন প্ৰাৰ্থনা জনোৱা হয় ৷

এই বিহু সন্মিলনত অনুষ্ঠান পৰিৱেশন কৰে প্ৰতিধ্বনিয়ে ৷ প্ৰতিধ্বনিৰ শিল্পীসকলে স্থানীয় বাদ্যযন্ত্ৰ আৰু লোক নৃত্য প্ৰদৰ্শন কৰি উপস্থিত দৰ্শকক আপ্লুত কৰে ৷

লগতে চাওক:কাজিৰঙা ৰাষ্ট্ৰীয় উদ‍্যানৰ বিষয়া-কৰ্মচাৰী, বনৰক্ষীৰ ৰঙালী বিহু উদযাপন