ৰঙাপৰা, 3 জুলাই : মিছামাৰী অঞ্চলৰ মাজেৰে বৈ যোৱা খৰস্ৰোতা বেলশিৰি নৈৰ(Belsiri River erosion) বুকুত বান্ধৰ ব্যৱস্থাৰে নৈৰ সূঁতি সলনি কৰি খহনীয়াৰ প্ৰতিৰোধত নামিল গঞা । চৰকাৰলৈ আশা নকৰি গাঁঠিৰ ধন ভাঙি, এবুকু পানীত নামি গঞাই শ্ৰমদানেৰে নৈখনৰ বুকুত নিৰ্মাণ কৰে বান্ধ ।
বৃহত্তৰ অঞ্চলটোৰ ৰাইজে প্ৰতি ঘৰৰ পৰা বাঁহ সংগ্ৰহ কৰি নিৰ্মাণ কৰে বান্ধ (Belsiri river Embankment) । পাকৰিগুৰি, বেলশিৰি, মেজেংজুলি আৰু পূব মাদুৰিবিল গাঁৱৰ প্ৰায় শতাধিক লোকে নৈখনত বান্ধ নিৰ্মাণত ব্যস্ত হৈ পৰে । 'ৰাইজে নখ জোকাৰিলে নৈ বয়' আপ্ত বাক্যশাৰী সৰোগত কৰি নদীখনৰ বুকুত দলে-বলে নামি পৰে স্থানীয় লোকসকল ।
বেলশিৰি নৈত বান্ধ নিৰ্মাণৰে খহনীয়া প্ৰতিৰোধত নামিল ৰাইজ