তেজপুৰ, 2 জুলাইঃবৃহস্পতিবাৰে ৰাজ্যজুৰি ভিন্ন প্ৰান্তত সদৌ অসম ছাত্ৰ সন্থাই ৰূপায়ন কৰে প্ৰতিবাদী কাৰ্যসূচী ৷ সমান্তৰালভাৱে তেজপুৰতো এক প্ৰতিবাদী কাৰ্যসূচী গ্ৰহণ কৰিলে তেজপুৰ আঞ্চলিক ছাত্ৰ সন্থাৰ সদস্য সকলে ৷ অসম চৰকাৰে কেবিনেটত লোৱা ভূমি নীতিৰ সিদ্ধান্তৰ বিৰোধিতাৰে তেজপুৰ চহৰৰ শ্বহীদ বেদীৰ সন্মুখত প্ৰতিবাদ সাব্যস্ত কৰিলে সংগঠনটোৱে ৷ প্ৰতিবাদকাৰী সকলে অসম চৰকাৰৰ এই সিদ্ধান্তক হঠকাৰী সিদ্ধান্ত আখ্যা দি, তেওঁলোকে ভূমি নীতি সম্পৰ্কে জাৰি কৰা অধিসূচনা বাতিল কৰিবলৈ চৰকাৰক দাবী জনায় ৷ প্ৰতিবাদকাৰীসকলে প্ৰতিবাদস্থলীত দাহ কৰে ভূমি নীতিৰ অধ্যাদেশৰ প্ৰতিলিপি ৷
নতুন ভূমি নীতিৰ বিৰুদ্ধে তেজপুৰত গৰজি উঠিল আছু
শেহতীয়াকৈ ৰাজ্য চৰকাৰে কেবিনেটত গ্ৰহণ কৰা নতুন ভূমি নীতিৰ বিৰুদ্ধে বৃহস্পতিবাৰে তেজপুৰত প্ৰতিবাদ সাব্যস্ত কৰে তেজপুৰ আঞ্চলিত ছাত্ৰ সন্থাৰ সদস্যসকলে ৷
protest against assam govt. by assu in tezpur
বিগত কেইবাদিনো ধৰি ধাৰাবাহিকভাৱে চৰকাৰে CAA, দিহিং পাটকাইৰ কয়লা খনন, বৃহৎ নদীবান্ধ আৰু সম্প্ৰতি গ্ৰহণ কৰা ভূমি নীতিৰে অসমৰ লোকৰ বিৰুদ্ধে সিদ্ধান্ত গ্ৰহণ কৰি আহিছে বুলি উল্লেখ কৰে প্ৰতিবাদকাৰী সকলে ৷ অসম চৰকাৰে শেহতীয়াকৈ লোৱা ভূমিৰ সিদ্ধান্ত বাতিল নকৰা পৰ্যন্ত সদৌ ছাত্ৰ সন্থাই প্ৰতিবাদ অব্যাহত ৰাখিব বুলি উল্লেখ কৰে ৷ ভূমি নীতি আইন সম্পৰ্কীয় অধিসূচনা অতি শীঘ্ৰেই বাতিল কৰিবলৈ দাবী জনায় তেজপুৰ আঞ্চলিক ছাত্ৰ সন্থাৰ সদস্য সকলে ৷
ভূমি নীতিৰ বিৰুদ্ধে তেজপুৰ আঞ্চলিক ছাত্ৰ সন্থাৰ প্ৰতিবাদ
লগতে পঢ়কঃগোলাঘাটত সদৌ অসম ছাত্ৰ সন্থাৰ প্ৰতিবাদ