ৰঙাপৰাত সংযুক্ত বড়ো গণ মঞ্চৰ সংবাদমেল

বিধানসভাত বড়ো-কছাৰী কল্যাণ স্বায়ত্ত শাসিত পৰিষদ গঠনৰ ক্ষেত্ৰত বিধেয়কখন উত্থাপন নোহোৱাত সন্তুষ্টি প্ৰকাশ কৰে সংযুক্ত বড়ো গণ মঞ্চৰ শোণিতপুৰ জিলা সমিতিয়ে ৷

ৰঙাপৰা, 3 চেপ্তেম্বৰ:সংযুক্ত বড়ো গণ মঞ্চ, শোণিতপুৰ জিলা সমিতিয়ে বৃহস্পতিবাৰে ৰঙাপৰাত এখন সংবাদমেল সম্বোধন কৰে ৷ বিধানসভাত বড়ো-কছাৰী কল্যাণ স্বায়ত্ত শাসিত পৰিষদ গঠনৰ ক্ষেত্ৰত বিধেয়কখন উত্থাপন নোহোৱাত সন্তুষ্টি প্ৰকাশ কৰে সংগঠনটোৱে ৷ সংগনটোৰ উপ-সভাপতি নবীন বসুমতাৰীয়ে উল্লেখ কৰে, শোণিতপুৰ-বিশ্বনাথ জিলাক বাদ দি বড়ো-কছাৰী কল্যাণ স্বায়ত্ত শাসিত পৰিষদ গঠনৰ বিধেয়কখন গৃহীত হ'ব নোৱাৰে ৷

যি সময়ত ৰাজ্যৰ ভৈয়াম জনজাতি আৰু পিছপৰা শ্ৰেণী কল্যাণ মন্ত্ৰী চন্দন ব্ৰহ্মৰ চূড়ান্ত হেমাহি, কুটিল ৰাজনীতি আৰু বিশ্বাসঘাতকাৰ বাবেই বিধান সভাৰ অধিবেশনত বড়ো-কছাৰী কল্যাণ স্বায়ত্ত শাসিত পৰিষদ গঠনৰ বিষয়টো উত্থাপিত নোহোৱাৰ অভিযোগ তুলি ঠাই বিশেষে ৰাইজে প্ৰতিকৃতি দাহেৰে প্ৰতিবাদ সাব্যস্ত কৰিছে, তেনে সময়ত একেটা মঞ্চৰে শোণিতপুৰ জিলা সমিতিয়ে সন্তুষ্টিহে প্ৰকাশ কৰিছে ৷

লগতে পঢ়ক:আধাৰ কাৰ্ডৰ নামত তেজপুৰত ক'ভিড-19 ৰ নীতি-নিৰ্দেশনা উলংঘা