তেজপুৰ, ২৬ জুলাই : ভাৰতৰ ৭৫ সংখ্যক স্বাধীনতা দিৱস উপলক্ষে সমগ্ৰ দেশজুৰি অনুষ্ঠিত হ'ব স্বাধীনতাৰ অমৃত মহোৎসৱ (Azadi Ka Amrit Mahotsav) ৷ আজাদী কা অমৃত মহোৎসৱ পালনৰ জৰিয়তে এইবাৰ "হৰ ঘৰ তিৰংগা" কাৰ্যসূচী গ্ৰহণ কৰিছে কেন্দ্ৰীয় আৰু ৰাজ্য চৰকাৰে (Har Ghar Tiranga Abhiyan) । জন অংশীদাৰিত্বৰে ‘হৰ ঘৰ তিৰংগা’ কাৰ্যসূচী সফলমণ্ডিত কৰাৰ বাবে ইতিমধ্যে প্ৰধানমন্ত্ৰী মোডীয়ে দেশবাসীক আহ্বান জনাইছে ৷
ৰাজ্যৰ বিভিন্ন প্ৰান্তৰ লগতে শোণিতপুৰ জিলাৰ সদৰ তেজপুৰতো ইয়াৰ ব্যাপক প্ৰস্তুতি চলা পৰিলক্ষিত হৈছে ৷ এতিয়া ঘৰে ঘৰে মহিলাসকল ব্যস্ত হৈ পৰিছে তিনি বৰণীয়া জাতীয় পতাকা চিলোৱাত । তেজপুৰৰ একাংশ মহিলাই পোন প্ৰথমবাৰৰ বাবে ৰাষ্ট্ৰীয় পতাকা নিৰ্মাণ কৰিবলৈ পাই যথেষ্ট আনন্দিত বুলি উল্লেখ কৰে ।
মহিলা গোটৰ উদ্যোগত জাতীয় পতাকা তৈয়াৰৰ প্ৰস্তুতি