ৰঙাপৰা, 30 ডিচেম্বৰ :ATTITION ৰাজ্যৰ স্বাস্থ্যমন্ত্ৰী ডাঙৰীয়া ৷ আপুনি বাৰু জ্ঞাত নে আপোনাৰস্বাস্থ্য খণ্ডৰ ভিতৰ চ’ৰাত কি চলি আছে (Health sector condition of Assam) ? যদিহে আপুনি এই বিষয়ে জ্ঞাত নহয়, তেন্তে আজিৰ এই বিশেষ প্ৰতিবেদন আপোনালৈ আগবঢ়ালো ৷
সৰ্বত্ৰে ৰাজ্য চৰকাৰে উন্নয়নৰ ঢাক-ঢোল বজাই থকাৰ সময়চোৱাতে এইবাৰ পোহৰলৈ আহিছে কেহেৰুখন্দা উপ-স্বাস্থ্য কেন্দ্ৰৰ দুৰাৱস্থা ৷ দিনক দিনে জহি খহি যাবলৈ ধৰিছে কেহেৰুখন্দা উপ-স্বাস্থ্য কেন্দ্ৰটো (Poor condition of Keherukhanda health sub centre) ৷ ফলত ৰোগীক চোৱা-চিতা কৰাত বহু অসুবিধাৰ সন্মুখীন হ’ব লগাত পৰিছে কেহেৰুখন্দা উপ-স্বাস্থ্য কেন্দ্ৰৰ স্বাস্থ্যকৰ্মীসকল ৷
কেহেৰুখন্দা উপ-স্বাস্থ্য কেন্দ্ৰৰ এগৰাকী স্বাস্থ্যকৰ্মীয়ে উল্লেখ কৰা অনুসৰি, এই উপ-স্বাস্থ্য কেন্দ্ৰটো মেৰামতি কৰি দিবলৈ বিভাগীয় কৰ্তৃপক্ষক বহুবাৰ আবেদন নিবেদন জনোৱা হৈছিল ৷ কিন্তু এই ক্ষেত্ৰত বিভাগীয় কৰ্তৃপক্ষই কোনো গুৰুত্ব নিদিয়াৰহে অভিযোগ উত্থাপিত হৈছে ৷ সেয়েহে সংবাদ মাধ্যমৰ জৰিয়তে স্থানীয় ৰাইজৰ লগতে উপ স্বাস্থ্যকেন্দ্ৰটোৰ স্বাস্থ্যকৰ্মী উক্ত উপ-স্বাস্থ্যকেন্দ্ৰৰ গৃহটো শীঘ্ৰে নিৰ্মাণ কৰি দিবলৈ দাবী জনাইছে ৷
উল্লেখ্য যে, পৰিৱৰ্তনকামী ৰাজ্য চৰকাৰৰ দিনত স্বাস্থ্যখণ্ডৰ ফোপোলা স্বৰূপটোৱে সচেতন মহলক বাৰুকৈয়ে চিন্তিত কৰি তুলিছে । ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মা আৰু স্বাস্থ্যমন্ত্ৰী কেশৱ মহন্তই স্বাস্থ্য বিভাগৰ উন্নয়ন হোৱা বুলি যিমানেই ধাক ঢোল নবজাওক কিয় বিভিন্ন সময়ত ৰাজ্যৰ ভিন্ন প্ৰান্তত সঘনে উন্মোচিত হৈ আহিছে স্বাস্থ্যখণ্ডৰ উন্নয়নৰ প্ৰকৃত ছবিখন ।
লগতে পঢ়ক :Moran State Dispensary: চিকিৎসক নাই ! মৰাণ ৰাজ্যিক চিকিৎসালয়ত নিশাৰ জৰুৰীকালীন সেৱা বন্ধ