ৰঙাপৰা, 14 মে’ : ৰঙাপৰাৰ একমাত্ৰ বালিকা বিদ্যালয়খনলৈ নামি আহিছে সংকট । ৰঙাপৰাৰ একমাত্ৰ বালিকা বিদ্যালয়খনলৈ যোৱা একমাত্ৰ পথচোৱা সম্প্ৰতি গৰাখহনীয়াৰ কবলত পৰিছে (Erosion at Rangapara) । নেৰানেপেৰা বৰষুণৰ ফলত বিদ্যালয়খনলৈ যোৱা পথচোৱাৰ মাজৰ কিছু অংশৰ মাটি খহাই লৈ যায় বৰষুণৰ পানীয়ে ।
পথচোৱাৰ মাটি খহাই নিয়াত বিদ্যালয়খনৰ ছাত্ৰীসকলে বিপদ সংকুলভাৱে অহা-যোৱা কৰিবলগীয়া হৈছে । বৰ্তমান খহনীয়াৰ ঠাইখিনিত শিক্ষকসকলে এখন তক্তা পাৰি অহা যোৱাৰ ব্যৱস্থা কৰি দিছে । যদি কিবা কাৰণত তক্তাৰ ওপৰেদি পাৰ হৈ যোৱাৰ সময়ত কোনো ছাত্ৰী ভৰি পিছল খাই পৰে, তেতিয়া হ’লে ছাত্ৰীগৰাকী পথচোৱাৰ নিচেই কাষেৰে বৈ যোৱা পাহিজুৰি নৈখনৰ বুকুত পৰিব ।
গৰাখহনীয়া কবলত ৰঙাপৰাৰ বালিকা বিদ্যালয়ৰ একমাত্ৰ পথচোৱা
আনহাতে, বিদ্যালয়খনৰ একাংশ ভূমি ইতিমধ্যে পাহিজুলি নৈখনৰ (Pahijuli river ay Rangapara) বুকুত জাহ যোৱাৰ উপক্ৰম হৈছে ৷