শতাধিক সমৰ্থকৰ সৈতে পদ্ম হাজৰিকাৰ পদযাত্ৰা

শোণিতপুৰৰ চাৰিদুৱাৰ লখৰাত পদ্ম হাজৰিকাৰ পদ যাত্ৰা ৷ পদযাত্ৰাত শ শ সমৰ্থকৰ অংশ গ্ৰহণ ৷ পদযাত্ৰা কৰি লখৰাত বিজেপিৰ এটা কাৰ্যালয় মুকলি কৰে হাজৰিকাই ৷ কংগ্ৰেছৰ মনোনীত প্ৰাৰ্থী প্ৰাণেশ্বৰ বসুমতাৰীক ৰাইজে চিৰ বিদায় দিব বুলি মন্তব্য হাজৰিকাৰ ৷

ৰঙাপৰা, 13 মাৰ্চ:দলীয় সমৰ্থকসহ পদযাত্ৰা কৰি চতিয়া সমষ্টিৰ অন্তৰ্গত চাৰিদুৱাৰৰ লখৰাত নিৰ্বাচনী ৰণডংকা বজালে বিজেপিৰ প্ৰাৰ্থী পদ্ম হাজৰিকাই ৷ শতাধিক সমৰ্থকৰ সৈতে পদযাত্ৰা কৰি বিজেপিৰ প্ৰাৰ্থী পদ্ম হাজৰিকাই লখৰাত বিজেপিৰ এটা কাৰ্যালয় মুকলি কৰে ৷

চতিয়া সমষ্টিৰ কংগ্ৰেছৰ মনোনীত প্ৰাৰ্থী প্ৰাণেশ্বৰ বসুমতাৰীক সমালোচনা কৰি পদ্ম হাজৰিকাই কয় যে, "নিৰ্বাচন আহিলেহে উলাই অহা নিৰ্বাচন আহিলেহে ৰাইজৰ পদুলিয়ে পদুলিয়ে যোৱা প্ৰাণেশ্বৰৰ এইবাৰ গধুলি হ'ল ৷" ৰাইজে এইবাৰ প্ৰাণেশ্বৰ বসুমতাৰীক চিৰ বিদায় দিব বুলি কটাক্ষ কৰাৰ লগতে চতিয়া সমষ্টিৰ পৰা কংগ্ৰেছক ৰাইজে বাই বাই দি বিজেপিক অন্তৰত স্থান দিছে বুলি হাজৰিকাই মন্তব্য কৰে ৷

কংগ্ৰেছে বদৰুদ্দিনক ড্ৰাইভিঙ চিটত বহুৱাই গাড়ীত উঠিছে কিন্তু কংগ্ৰেছৰ গাড়ী গৈ এনেকুৱাকৈ ভৰলী নদীত পৰিব য'ৰ পৰা কেৰেঙ লগায়ো কংগ্ৰেছক আৰু উঠাব পৰা নাযাব বুলিও হাজৰিকাই কংগ্ৰেছক কটাক্ষ কৰে ৷ বিভিন্ন জাতি-জনগোষ্ঠীৰ লোকে বসবাস কৰি থকা অঞ্চলটোত দলীয় পতাকা লৈ পুৰুষ তথা মহিলা সকলে পদযাত্ৰাত অংশ গ্ৰহণ কৰি হাজৰিকাৰ হৈ প্ৰচাৰ চলায় ৷

লগতে পঢ়ক:বিধায়ক প্ৰদীপ হাজৰিকাক আক্ৰমণৰ চেষ্টা দুৰ্বৃত্তৰ