চতিয়াত ৯০০ ৰো অধিক দিব্যাংগ লোকৰ স্বাস্থ্য পৰীক্ষা

চতিয়া সমষ্টিৰ বিধায়ক পদ্ম হাজৰিকাৰ বিশেষ পদক্ষেপ ৷ হাজৰিকাৰ পদক্ষেপে জয় কৰিলে ৰাইজৰ হৃদয় ৷ দিব্যাংগ ব্যক্তিৰ বাবে বিশেষ স্বাস্থ্য পৰীক্ষা কৰি প্ৰমানপত্ৰ দিয়াৰ ব্যৱস্থা ৷ প্ৰমাণপত্ৰৰ জড়িয়তে দিব্যাংগ ব্যক্তি সকলে প্ৰতি মাহে ১০০০ টকাকৈ চৰকাৰী সাহাৰ্য লাভ কৰাৰ পথ মুকলি ৷

চতিয়া,১০ অক্টোবৰ:চতিয়া সমষ্টিৰ বিধায়ক পদ্ম হাজৰিকাৰ নেতৃত্বত পৰিচালিত কন্যকাৰ দ্বাৰা শুকুৰবাৰে জামুগুৰিহাটত এক বৃহৎ আৰু ব্যতিক্ৰমী অনুষ্ঠান আয়োজন ৷ সমষ্টিটোৰ ৯০০ৰো অধিক বিশেষ ভাৱে সক্ষম তথা দিব্যাংগ ব্যক্তিৰ বাবে বিশেষ স্বাস্থ্য পৰীক্ষাৰ ব্যৱস্থা ৷ ঠাইতে স্বাস্থ্য পৰীক্ষা কৰাই প্ৰমানপত্ৰ দিয়াৰ ব্যৱস্থা বিধায়ক হাজৰিকাৰ ৷ আজি পৰ্যন্ত 'দিব্যাংগ' বা 'বিশেষভাৱে সক্ষম' ৰূপে প্ৰমান পত্ৰ লাভ কৰিবলৈ অপাৰগ হৈ থকা এই সকল লোকৰ বাবে এনে পদক্ষেপ হাতত লোৱাত সকলোৱে আনন্দ প্ৰকাশ কৰিছে ৷ সাধাৰণতে চৰকাৰী কাৰ্যালয়ৰ দুৱাৰে দুৱাৰে ঘূৰি বহু কষ্টৰ মূৰতহে এই প্ৰমানপত্ৰ লাভ কৰিব পৰা অৱস্থাত বিধায়ক গৰাকীৰ এনে পদক্ষেপে স্বাভাৱিকতেই সকলোকে সুখী কৰি তুলিছে ৷

বিধায়ক পদ্ম হাজৰিকাৰ নেতৃত্বত এইসকল দিব্যাংগ ব্যক্তিৰ চিকিৎসকৰ হতুৱাই স্বাস্থ্য পৰীক্ষা কৰোৱাই ঠাইতে প্ৰমানপত্ৰ দিয়া বিষয়টোৱে এক বিশেষ তাৎপৰ্য্য বহন কৰিছে ৷ এই প্ৰমাণপত্ৰৰ জড়িয়তে দিব্যাংগ ব্যক্তি সকলে এতিয়াৰ পৰা প্ৰতি মাহে ১০০০ টকাকৈ চৰকাৰী সাহাৰ্য লাভ কৰাৰ পথ মুকলি হৈ পৰিল বুলি জানিব পৰা গৈছে ৷ ৰাজ্যখনৰ ভিতৰতে এনেধৰণৰ পদক্ষেপ প্ৰথম আৰু চতিয়া সমষ্টিতে এই কাৰ্যসূচী আৰম্ভ কৰা বুলি বিধায়ক গৰাকীয়ে জানিবলৈ দিয়ে ৷ এই কাৰ্যসূচীত প্ৰশাসন আৰু স্বাস্থ্য বিভাগৰ লগতে সমাজকল্যাণ বিভাগৰ শতাধিক বিষয়া কৰ্মচাৰীয়ে সেৱা আগবঢ়ায় ৷
লগতে পঢ়ক:ৰাজদ্বীপ গোৱালা আৰু ৰুমী নাথক কংগ্ৰেছৰ পৰা নিলম্বন