তেজপুৰ, ১১ নৱেম্বৰ:তেজপুৰত সংঘটিত হৈছে এক ভয়ংকৰ পথ দুর্ঘটনা (Road accident at Tezpur) । দুৰ্ঘটনাৰ ফলত তেজপুৰ মহাবিদ্যালয়ৰ বাণিজ্য বিভাগৰ এগৰাকী ছাত্ৰ থিতাতে নিহত হয় ৷ ছাত্ৰগৰাকীয়ে মহাবিদ্যালয়ৰ পৰা পৰীক্ষা সম্পূৰ্ণ কৰি ঘৰলৈ ঘূৰি গৈ থকা অৱস্থাতেই সংঘটিত হয় এই শোকাবহ দুর্ঘটনাটো সংঘটিত হয় ৷
নিহত ছাত্ৰজন তেজপুৰ মহাবিদ্যালয়ৰ বাণিজ্য বিভাগৰ মঞ্জিত ৰয় বুলি জানিব পৰা গৈছে (One dead in Road accident at Tezpur) ৷ মঞ্জিত ৰয় তৃতীয় ষান্মাসিকৰ ছাত্ৰ আছিল ৷ ইফালে, একেদিনাই গোলাঘাটতো সংঘটিত হয় এক ভয়ংকৰ পথ দুৰ্ঘটনা ৷ দুৰ্ঘটনাত এজন কণমানি ছাত্ৰৰ মৃত্যু হয় ৷
ছাত্ৰজন বিদ্যালয়লৈ গৈ থকাৰ সময়তে পিছফালৰ পৰা তীব্ৰবেগী এখন বাহনে নিয়ন্ত্ৰণ হেৰুৱাই পিছফালৰ পৰা খুন্দিয়াই দিয়ে ৷ ফলত লগে লগে কণমানি ছাত্ৰজন পথতেই বাগৰি পৰে (Road accident in Golaghat) ৷ দুৰ্ঘটনা সংঘটিত হোৱাৰ লগে লগে কণমানি ছাত্ৰজনক গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত ভৰ্তি কৰোৱা হয় যদিও চিকিৎসকে ছাত্ৰজনক মৃত ঘোষণা কৰে ৷