তেজপুৰ, ৯ জুন: শোণিতপুৰ জিলাৰ তেজপুৰ আৰক্ষী থানাৰ অন্তৰ্গত কমাৰচুবুৰীৰ ১৮ নং ৱাৰ্ডৰ বিশ্বজিৎ বৰা পথত সোমবাৰে নিশা এগৰাকী ব্যক্তিৰ দেহত ধৰা পৰে COVID-19 ৰ উপস্থিতি । যাৰ বাবে প্ৰশাসনে সমগ্ৰ এলেকাটোক তাৎক্ষণিক ভাৱে বলৱৎ হোৱাকৈ নিয়ন্ত্ৰিত এলেকা হিচাপে ঘোষণা কৰাৰ লগতে ইতিমধ্যে সমগ্ৰ এলেকাটো সোমবাৰে নিশা ছীল কৰি দিয়া হয় ৷
COVID-19: তেজপুৰ কমাৰচুবুৰীৰ বিশ্বজিৎ বৰা পথ ছীল জিলা প্ৰশাসনৰ এই সন্দৰ্ভত জিলা উপায়ুক্ত তথা জিলা দুৰ্যোগ প্ৰশমন প্ৰাধিকৰণৰ অধ্যক্ষ মানবেন্দ্ৰ প্ৰতাপ সিঙে এই নিয়ন্ত্ৰিত এলেকাৰ চাৰিসীমা নিৰ্ধাৰণ কৰে । এই নিয়ন্ত্ৰিত এলেকাৰ ৫ কিল'মিটাৰ ব্যাসাৰ্ধৰ এলেকাক বাফাৰ জ’ন হিচাপে চিনাক্ত কৰা হৈছে ৷
আনহাতে, এই এলেকাত প্ৰশাসনৰ অনুমতি অবিহনে যিকোনো লোকৰ প্ৰৱেশ তথা প্ৰস্থান নিষিদ্ধ কৰাৰ লগতে কোনো লোকৰ আৰু যান-বাহনৰ চলাচল সম্পূৰ্ণৰূপে নিষিদ্ধ কৰা হৈছে । এই সময়ছোৱাত এই নিয়ন্ত্ৰিত এলেকাত সামাজিক দূৰত্ব বজায় ৰখাৰ লগতে অনান্য COVID-19 ৰ নিয়মসমূহ মানি চলাটো বাধ্যতামূলক ৷
COVID-19: তেজপুৰ কমাৰচুবুৰীৰ বিশ্বজিৎ বৰা পথ ছীল জিলা প্ৰশাসনৰ ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰালয়ৰ নিয়মাৱলীৰ আধাৰত এই এলেকা সুৰক্ষিত বুলি ঘোষণা নোহোৱা পৰ্যন্ত এই নিয়ম সমূহ বাহাল থাকিব বুলি সদৰি কৰে স্বাস্থ্য বিভাগৰ লোকে ৷ এই আদেশ উলংঘাকাৰীৰ বিৰুদ্ধে অসম COVID-19 নিয়মাৱলী ২০২০, দুৰ্যোগ প্ৰশমন আইন ২০০৫, মহামাৰী প্ৰতিৰোধ আইন ১৮৯৭’ৰ লগতে অনান্য আইনৰ অধীনত বিহিত ব্যৱস্থা গ্ৰহণ কৰা হ'ব বুলি জানিবলৈ দিয়ে ।
