তেজপুৰত এন এছ চি এনৰ দুৰ্ধষ কেডাৰ আটক

তেজপুৰ আৰক্ষীয়ে বিশেষ সূত্ৰৰ পৰা লাভ কৰা তথ্যৰ ভিত্তিত চলোৱা অভিযানত মিছন চাৰিআলিৰ পৰা আটক কৰে এজন এন এছ চি এন (আই এম) ৰ এজন দুৰ্ধষ কেডাৰৰ লগতে অৰুণাচলৰ এন পিপি লংডিঙৰ এজন উপ সভাপতি ৷

তেজপুৰ, 7 নৱেম্বৰ: তেজপুৰ আৰক্ষীৰ বৃহৎ সফলতা ৷ আৰক্ষীৰ জালত পৰিছে এন এছ চি এন (আই এম)ৰ এজন দুৰ্ধষ কেডাৰৰ লগতে অৰুণাচলৰ এন পিপি লংডিঙৰ এজন উপ সভাপতি ৷

তেজপুৰত এন এছ চি এনৰ দুৰ্ধষ কেডাৰ আটক

ভাৰতীয় সেনাৰ চোৰাং চোৱাৰ পৰা পোৱা খবৰৰ ভিত্তিত তেজপুৰ আৰক্ষীয়ে মিছন চাৰিআলিৰ পৰা আটক কৰিছে কেডাৰ জনক ৷ সেনাৰ বিশেষ সূত্ৰই প্ৰকাশ কৰা অনুসৰি আটক হোৱা কেডাৰ খাম্পাই ৱাংশু (32) ৷ ধৃত কেডাৰ জনৰ পৰা এটা পিষ্টল আৰু চাৰি জাই সঁজীৱ গুলী উদ্ধাৰ কৰিছে আৰক্ষীয়ে ৷

তেজপুৰত এন এছ চি এনৰ দুৰ্ধষ কেডাৰ আটক

উল্লেখ্য যে,কেডাৰজন এন পিপি ৰ উপ-সভাপতি খুঙী মীক্ষামৰ লগত ডিমাপুৰৰ পৰা ইটানগৰলৈ গৈ থকা অৱস্থাত তেজপুৰ মিছন চাৰিআলিত আটক কৰে আৰক্ষীয়ে ৷ দুটা পৃথক সংগঠনৰ দুয়ো জন নেতা কিয় এনেদৰে লগ হৈছিল সেই বিষয়ে সৃষ্টি হৈছে বহু প্ৰশ্ন ৷ ঘটনা সন্দৰ্ভত তদন্ত অব্যাহত ৰাখিছে আৰক্ষীৰ শীৰ্ষ বিষয়াই ৷

লগতে পঢ়কঃ অবৈধভাৱে ভাৰতত থকা পাকিস্তানী নাগৰিকক জেললৈ প্ৰেৰণ