ৰঙাপৰা,10 নৱেম্বৰ:ৰঙাপৰা সমষ্টিৰ অন্তৰ্গত এখন গাঁও ৷ গাঁওখনৰ ৰাইজে আজিও সেৱন কৰে নিজৰাৰ পানী ৷ এটুপি বিশুদ্ধ খোৱা পানীৰ পৰাও বঞ্চিত হৈ আহিছে গাঁওখনৰ ৰাইজে ৷ পৰিবৰ্তকামী বিজেপি নেতৃত্বাধীন ৰাজ্য চৰকাৰখনে উন্নয়নৰ ঢাক ঢোল বজাই আহিছে যদিও বিধায়ক বিহীন ৰঙাপৰা সমষ্টিৰ এটি অঞ্চলৰ ৰাইজে আজিও উন্নয়নৰ মুখ দেখা নাপালে।
ৰঙাপৰাৰ কদমতলী গাঁৱৰ ৰাইজে আজিও সেৱন কৰে নিজৰাৰ পানী
ৰঙাপৰা পৌৰসভা কাৰ্যালয়ৰ অন্তৰ্গত ২ নং ৱাৰ্ডৰ কদমতলী গাঁৱত প্ৰায় ৪০ টাৰো অধিক পৰিয়ালে বসবাস কৰি আছে । তাৰে একাংশ ৰাইজে সেৱন কৰিবলগীয়া হৈছে নিজৰাৰ পানী । অঞ্চলটোত পৰ্যাপ্ত খোৱা পানীৰ সুবিধা নথকাৰ বাবেই একাংশ ৰাইজে খোৱা পানীৰ নামত গাঁওখনৰ কাষেৰে বৈ যোৱা পাহিজুৰি নদীৰ পাৰত থকা এটি নিজৰাৰ পানী সংগ্ৰহ কৰি খাবলগীয়া হৈছে।