তেজপুৰ,৩১ মাৰ্চ: তেজপুৰত সম্পূৰ্ণ হৈ উঠিল এটা নতুন সন্মিলন কক্ষ । অসম চৰকাৰৰ নিৰ্দেশত তেজপুৰ বাটামাৰীত অসমৰ ৩৫ খন জিলাৰ উপায়ুক্তসকল একেলগে বহি বৈঠকত অংশগ্ৰহণ কৰিবৰ বাবে নিৰ্মাণ কৰা হৈছে এই সন্মিলন কক্ষ (Convention center build up in Tezpur)।
শোণিতপুৰ জিলাৰ উপায়ুক্ত ভূপেছ চন্দ্ৰ দাসৰ তাৎপৰতাত ৰাজ্য চৰকাৰে বিগত পাঁচ মাহৰ ভিতৰত সম্পূৰ্ণ কৰি তুলিছে এই সন্মিলন কক্ষ (New convention centre in Tezpur)। আটক ধুনীয়া এই স্থানত মুঠ ১২০ খন আসন সংৰক্ষিত কৰা হৈছে আৰু তিনিটা ভি আই পি শাৰী সংৰক্ষণ কৰা হৈছে ।
সন্মিলন কক্ষত একেলগে সকলো লোকে আসন গ্ৰহণ কৰাৰ লগতে অহাৰ গ্ৰহণ কৰাৰো ব্যৱস্থা আছে । উপায়ুক্ত সকলৰ প্ৰথমখন সন্মিলন অনুষ্ঠিত হোৱাৰ সময়তে মুখ্যমন্ত্ৰী ডঃ হিমন্ত বিশ্ব শৰ্মাই ঘোষণা কৰিছিল যে তেজপুৰত পৰৱৰ্তী সন্মিলন অনুষ্ঠিত হোৱা কথা ।
জানিব পৰা মতে পাঁচ বিঘা ভূমিত ১৫ কোটি টকাৰ ব্যয়ৰে নিৰ্মাণ সম্পূৰ্ণ কৰা এই ৰাজ্যিক সন্মিলন কক্ষত প্ৰধানমন্ত্ৰীৰ বৈঠকো অনুষ্ঠিত কৰিব পাৰিব । মুখ্যমন্ত্ৰী ড৹ হিমন্ত বিশ্ব শৰ্মাই আগন্তুক ২৫ এপ্ৰিলত তেজপুৰ ভ্ৰমণৰ সময়ত এই সন্মিলন কক্ষ মুকলি কৰিব ।
লগতে পঢ়ক:Amazon আৰু Flipkart ত উপলব্ধ হ’ল অসমীয়াৰ স্বাভিমান গামোছা
