ৰিপুন বৰাক পতান আখ্যা

ৰিপুণ বৰাক আজি উভতি ধৰিলে সাংসদ পল্লৱে ৷ কংগ্ৰেছৰ এক নম্বৰ পতান ৰিপুন বৰা ৷ বিজেপিয়ে উপযুক্ত ব্যক্তিকেই প্ৰাৰ্থিত্ব প্ৰদান কৰিব উপ নিৰ্বাচনত

তেজপুৰ, 12 আগষ্ট : কংগ্ৰেছৰ এক নম্বৰ পতান ৰিপুন বৰা । প্ৰদেশ কংগ্ৰেছৰ সভাপতি তথা সাংসদ ৰিপুন বৰাৰ পতান আখ্যানৰ প্ৰতিক্ৰিয়া দি তেজপুৰত আজি এই মন্তব্য কৰে পল্লৱ লোচন দাসে ৷ শেহতীয়াকৈ কংগ্ৰেছ এৰি একাধিক জেষ্ঠ নেতাই বিজেপিত যোগদান কৰাৰ পাচত সেইসকল নেতাক পতান আখ্যা দিছিল প্ৰদেশ কংগ্ৰেছৰ সভাপতিগৰাকীয়ে ৷ সেয়ে ৰিপুণ বৰাক আজি উভতি ধৰে সাংসদগৰাকীয়ে ৷ আনহাতে, ৰঙাপৰাৰ উপনিৰ্বাচন সম্পৰ্কত বিজেপিৰ নেতৃত্বই এগৰাকী উপযুক্ত ব্যক্তিকেই প্ৰাৰ্থিত্ব প্ৰদান কৰিব বুলি উল্লেখ কৰে পল্লৱ লোচন দাসে ৷ সোমবাৰে শোণিতপুৰৰ মাজগাঁওস্থিত ভাৰতীয় জনতা পাৰ্টিৰ কাৰ্যালয়ত উপস্থিত হৈ এই মন্তব্য কৰে সাংসদগৰাকীয়ে ৷ কাৰ্যালয়ত প্ৰয়াত প্ৰাক্তন কেন্দ্ৰীয় মন্ত্ৰী তথা বিজেপিৰ জেষ্ঠ নেত্ৰী সুষমা স্বৰাজক শ্ৰদ্ধাঞ্জলি জ্ঞাপন কৰা হয় ৷