জীয়া ভৰলী নদীত সন্ধানহীন শোণিতপুৰৰ এজন ব্যক্তি !

পুৱাৰে পৰা সন্ধানহীন হৈ আছে তেজপুৰৰ নিকটৱৰ্তী পাঁচমাইল বিহিয়া গাঁৱৰ এজন লোক !

তেজপুৰ,10 চেপ্টেম্বৰঃজীয়া ভৰলী নদীত সন্ধানহীন হৈ আছে শোণিতপুৰৰ এজন ব্যক্তি ৷ মঙলবাৰে পুৱা প্ৰায় ১১ মান বজাত আব্দুল গফুৰ নামৰ ৫৫ বছৰীয়া লোকজন জীয়া ভৰলী নদীত নামোতে পানীৰ সোঁতত সন্ধানহীন হয় ৷

ইতিমধ্যে জীয়া ভৰলী নদীত জিলা প্ৰশাসনৰ লোক আৰু এছ ডি আৰ এফৰ লোকে অভিযান চলাইছে যদিও কোনো ধৰণৰ সন্ধান পোৱা নাই ৷ উল্লেখযোগ্য যে,যোৱা দুদিন ধৰি অৰুণাচল প্ৰদেশত হোৱা মুষলধাৰ বৰষুণৰ পিছতে পানীৰ সোঁত বৃদ্ধি পাইছে জীয়া ভৰলী নদীৰ ৷