মিছামাৰী ন-বিল পথাৰ ৰঙালী বিহু সন্মিলনীৰ সফল সমাপ্তি

বহাগ বিহুৰ লগত সংগতি ৰাখি আয়োজন কৰা সাংস্কৃতিক অনুষ্ঠানত জনগোষ্ঠীয় নৃত্যই দৰ্শকক আমোদ দিবলৈ সক্ষম হয়

ৰঙাপৰা, 22 এপ্ৰিলঃ মিছামাৰী নবিল পথাৰৰ ৰঙালী বিহু সন্মিলনীৰ উদ্যোগত আয়োজিত বহাগ বিহু অনুষ্ঠানৰ সফল সমাপ্তি ঘটে ৷ দেওবাৰে নিশাৰ ভাগত আয়োজন হোৱা সাংস্কৃতিক অনুষ্ঠানত তিৱাসকলৰ জনগোষ্ঠীয় নৃত্যই দৰ্শকৰ মন মুগ্ধ কৰিবলৈ সক্ষম হয় ৷

নবিল পথাৰ সমন্বয় ক্ষেত্ৰত অনুষ্ঠিত হোৱা ষষ্ঠ বাৰ্ষিক বহাগ বিহু সন্মিলনীত বাৰেৰহনীয়া সাংস্কৃতিক অনুষ্ঠানৰ আয়োজন কৰা হয় ৷ সাংস্কৃতিক অনুষ্ঠানত বাঘমৰাৰ তিৱা জনগোষ্ঠীয়ে নিজৰ পৰম্পৰাগত নৃত্য পৰিৱেশন কৰে ৷ তিৱা নৃত্য উপভোগ কৰি মিছামাৰীবাসী ৰাইজ আপ্লুত হৈ পৰে ৷