পলাই থকা জামাতী সকলৰ বিৰুদ্ধে কঠোৰ হ'ব অসম আৰক্ষী

শনিবাৰে তেজপুৰত শোণিতপুৰ আৰু বিশ্বনাথ জিলাৰ আৰক্ষীৰ বিষয়া সকলৰ সৈতে, কোভিড-১৯ সম্পৰ্কীয় এখন বৈঠকত মিলিত হয় অসম আৰক্ষীৰ সঞ্চালক প্ৰধান ভাস্কৰ জ্যোতি মহন্ত । পলাই থকা জামাতী সকলৰ বিৰুদ্ধে বিহিত ব্যৱস্থা গ্ৰহণ সন্দৰ্ভত উল্লেখ কৰে আৰক্ষী সঞ্চালক প্ৰধান গৰাকীয়ে ।

তেজপুৰ, 4 এপ্ৰিলঃ তবলিগী জামতত অংশগ্ৰহণ কৰা সকলৰ ভিতৰত পলাই থকা লোকৰ বিৰুদ্ধে ব্যৱস্থা গ্ৰহণ কৰিব অসম আৰক্ষীয়ে । শনিবাৰে তেজপুৰত শোণিতপুৰ আৰু বিশ্বনাথ জিলাৰ আৰক্ষীৰ বিষয়া সকলৰ সৈতে, কোভিড-১৯ সম্পৰ্কীয় এখন বৈঠকত অংশগ্ৰহণ কৰি সংবাদ মাধ্যমক এইদৰে মন্তব্য কৰে, অসম আৰক্ষীৰ সঞ্চালক প্ৰধান ভাস্কৰ জ্যোতি মহন্তই । পলাই ফুৰা লোকসলৰ ক্ষেত্ৰত কঠোৰ ব্যৱস্থা গ্ৰহণ কৰাৰ ইংগিত প্ৰদান কৰি, জামাতত অংশগহণ কৰা লোকসকলক নিজেই আহি যোগাযোগ কৰাৰ আহ্বান জনালে আৰক্ষীৰ সঞ্চালক প্ৰধান গৰাকীয়ে । আনহাতে পদপথত থকা লোক আৰু দৰিদ্ৰ লোকৰ বাবে খাদ্য যোগান আঁচনিও আৰক্ষীয়ে গ্ৰহণ কৰিছে বুলি জানিবলৈ দিয়ে । লগতে স্বাস্থ্যকৰ্মীৰ লগত অভদ্ৰ আচৰণ কৰা লোকসকলৰ বিৰুদ্ধে বিহিত ব্যৱস্থা গ্ৰহণ কৰা হ'ব বুলিও উল্লেখ কৰে ভাস্কৰ জ্যোতি মহন্তই ।

লগতে পঢ়কঃগৰ্ভৱতী মহিলা, প্ৰসূতি আৰু নাবালিকাসকলৰ পুষ্টিত গুৰুত্ব প্ৰদানৰ নিৰ্দেশ প্ৰমিলাৰাণী ব্ৰহ্মৰ