চতিয়া,11 মাৰ্চ: চতিয়াৰ ইটাখোলা উপ আৰক্ষী চকীৰ অন্তৰ্গত 1 নং ইটাখোলাত বৃহস্পতিবাৰে বিয়লি ভাগত সংঘটিত হয় এক ভয়ংকৰ অগ্নিকাণ্ড ৷ ইটাখোলা নিবাসী আব্দুল ৰহিম নামৰ লোকজনৰ বাসগৃহৰ পৰা জুইৰ সূত্ৰপাত হোৱা বুলি জানিব পৰা গৈছে ৷
অগ্নিকাণ্ডৰ ফলত নগদ 2 লাখৰো অধিক টকা আৰু সোণৰ আ-অলংকাৰসহ প্ৰায় দহ লাখ টকাৰ সম্পত্তি ভস্মীভূত হয় ৷ ইয়াৰোপৰি ঘৰৰ ভিতৰত থকা সকলো সামগ্ৰী নিমিষতে ছাই হৈ যায় ।