তেজপুৰ,13 আগষ্ট :দেশৰ 75 সংখ্যক স্বাধীনতা দিৱসৰ লগত সংগতি ৰাখি সশস্ত্ৰ সীমা সুৰক্ষা বল(SSB)তেজপুৰ ফ্ৰণ্টিয়াৰে আয়োজন কৰিলে সামূহিক দৌৰ ৷ শুকুৰবাৰে তেজপুৰ চহৰৰ চিত্ৰলেখা উদ্যানৰ পৰা শুভাৰম্ভ কৰা হয় এই ৰেলীৰ ৷ তেজপুৰ জিলা ক্ৰীড়া বিভাগ আৰু আই টি বি পি(ITBP)ৰ জোৱান সকলেও এই সমূহীয়া ৰেলীত অংশগ্ৰহণ কৰে ৷ এছ এছ বিৰ তেজপুৰ ফ্ৰণ্টিয়াৰ মহা পৰিদৰ্শক কে গুপ্তাই এই অনুষ্ঠানৰ ফ্লেগ অফ কৰে ৷
উক্ত অনুষ্ঠানত অংশগ্ৰহণ কৰে শোণিতপুৰ জিলা উপায়ুক্ত ভূপেশ চন্দ্ৰ দাস, আৰক্ষী অধীক্ষক ডঃ ধনঞ্জয় পি ঘনাৱট আৰু এছ এছ বি শালনিবাৰী ডি আই জি সৌমিত যোশী আৰু সীমা বলৰ বিষয়া তথা জোৱানে ৷ উল্লেখ্য যে,তেজপুৰ জিলা ক্ৰীড়া বিভাগ আৰু আই টি বি পি ৰ জোৱান সকলে অংশগ্ৰহণ কৰা তথা শুকুৰবাৰে আৰম্ভণি হোৱা এই দৌৰ নতুন দিল্লীৰ ৰাষ্ট্ৰীয় ষ্টেডিয়ামত একে সময়তে শুভাৰম্ভ কৰে কেন্দ্ৰীয় যুৱ আৰু ক্ৰীড়া মন্ত্ৰী অনুৰাগ ঠাকুৰে ৷